我食開YAZ優悅 呢隻事前避孕藥 啱啱食左第三盒最後一排第二粒
我今日大概12:04食避孕藥 比平時遲5-10分鐘左右食
今日下晝開始個胃唔舒服同有少量胃酸倒流
大概12:58左右發覺有些少胃酸連隨少少食物殘渣上左個口度 因為吞返落去嘅時候發覺有少少灼喉嚨 所以都幾肯定係胃酸
但我冇吐出嚟 而係直接吞返落去
因為驚影響避孕藥嘅效果
我驚胃酸倒流會影響藥嘅吸收 或者驚反胃嗰陣 連隨少量未吸收嘅藥物一齊上嚟 所以選擇吞返落去比較保險 但成個過程我冇嘔過亦冇痾過
而係連取胃酸同少量食物殘渣一齊吞返落去
請問我呢個情況會唔會影響藥效？Thanks
同埋仲有一個問題係
我喺食避孕藥前50分鐘有飲過阿華田撞鮮奶+椰果
請問會唔會有大影響？平時我只會清水送藥物
唔會用飲品嚟送藥
描述得清楚啲先：
第一次胃唔舒服發生喺 (30/12) 下午左右
而我食事前避孕藥嘅時間係 (31/12) 12:04 a.m.
而胃酸倒流+有少量食物殘渣係 (31/12) 12:58 a.m.
而到1:34 a.m. 都有發生一次
全程冇發生過嘔吐 而係將反胃嘅胃酸同食物殘渣一齊吞返落肚
兩次都唔係話大量嘅胃酸倒流
只係少量胃酸 同為數不多嘅食物殘渣
第一次嗰陣胃酸倒流嗰陣驚d食物殘渣係粒藥 上到口之後即刻吞返落去 唔敢怠慢驚影響藥效
第二次feel清楚係椰果嚟 但我都係吞返落去
我唔係想嘔嗰種 只係有食物消化唔到上返個口度嘅意思
我全程係冇將d胃酸同食物嘔返出嚟
因為避免情況惡化 我就去左瞓覺 跟住就冇再唔舒服
我呢個情況需唔需要補食一粒？定係都唔需要？
因為而家同發生胃酸倒流都過左10個鐘頭 我有d擔心我上述描述嘅情況會影響藥效
Hello, 你嘅情況唔會影響避孕藥嘅效果嘅，唔使補食，唔使擔心啊~
服藥時間遲5-10分鐘，對避孕效果無影響嘅。
避孕藥通常係服用後嘅1-2小時內係胃同小腸中逐漸被吸收。你係 31/12 12:04 a.m. 服藥，而第一次感到胃酸倒流發生係 12:58 a.m.，已超過服藥後50分鐘，尼段期間藥物應該已進入小腸，並進行吸收。胃酸倒流(包括少量食物殘渣上移)通常唔會影響已進入胃同小腸嘅藥物。而且你吞返胃酸同食物殘渣並未嘔出，避孕藥仍係體內發揮效果，唔會影響藥效。如果係服藥後 2小時內嘔吐，就需要補服一粒藥，因為藥物可能尚未完全吸收。你嘅情況中，並無真正嘔吐(只係一啲胃酸倒流)，唔會影響避孕藥效。
你提到胃酸倒流係 1:34 a.m. 再次發生，因為藥物已係小腸中進行吸收，所以唔會影響避孕藥效果。
一般食物或飲品唔會影響避孕藥嘅吸收，特別係當佢們係胃內嘅時間無同藥物完全重疊。阿華田撞鮮奶+椰果屬於普通食物，不含影響避孕藥效果嘅成分，唔使擔心。