今日食完藥之後一個鐘嘔咗，跟住即刻補返一粒（當晚也有無套性行為）安全嗎？
咁我係咪即係比平時早一日停藥，跟住照舊停七日開新一盒，（原本1月7號最後一粒而家改為1月6號，新一盒就變成1月14號，原定1月15號）
新一盒仲使唔使帶套？有冇影響？
補充返少少係夜晚8:45食藥 跟住10:00嘔 跟住過咗5分鐘就即刻補返一粒 11點再無套性行為，咁樣會唔會唔安全
今晚再嘔咗 不過淨係有啲痰 唔知有冇嘔咗啲藥出嚟，8:45食藥 11:45嘔
你好，簡單啲理解，如果服藥後係好短時內，如：4小時間內有嘔吐或肚瀉情況，最理想係要補食一粒。至於對避孕功效有無好大影響，主要考慮服食避孕藥既時間長短，如果開始服食避孕藥少於3個月，即未食夠3盒，係有機會影響避孕功能，因為採取避孕藥作安全措施，通常都會喺服食三個月後身體先至會有穩定嘅避孕機制，所以如果未夠三個月，而有出現漏藥或者服藥後嘔吐等情況，其實都建議喺補藥之後嘅七日，都要採取額外嘅安全措施，咁樣係會最安全穩陣。
如果已經服食一段長時間，例如：三個月以上，甚至乎係以年去計算，偶爾出現一次漏藥或者服藥後嘔吐嘅情況，都應該係要補藥，但因為身體已經建立咗一個穩定嘅避孕屏障，唔加額外嘅安全措施，其實都唔係太大嘅問題。
至於你嘅情況，如果你補完藥後之後係開始食冇藥性嘅藥丸，咁你係會將整個週期提前咗一日，你照樣跟返服食冇藥性嘅藥丸之後，再開一盒新嘅避孕藥繼續服食，係無太大嘅問題。
我係吃21粒嗰隻 有冇咩藥物會影響避孕藥的藥效，而家有吃啲感冒止咳藥收鼻水藥
啱啱睇完醫生話要食抗生素 但我2日前有內射使唔使再過幾日先食抗生素 食仲其他藥先
Hello 一般情況下，你講嘅嗰啲感冒藥相信都唔會影響避孕藥嘅藥效，但係抗生素就可能會有影響，不過最好都係問返醫生，因為未必每一隻抗生素都一定會有大影響。不過你已經係兩日前發生性行為，而唔係即日發生性行為，所以如果你身體真係好唔舒服嘅話，而抗生素又幫到你嘅話，都可以開始食抗生素嘅。當然如果你真係好擔心嘅話，都可以等多一兩日先開始食。
最後希望你快啲好返啦 
唔該你 最後我冇食抗生素食住其他藥先 身體還可以
醫生話會有少少影響，所以我冇食到
1個讚