我好驚會係着床出血，明明大家上星期冇性行為，只係親密行為，同埋大家有除晒衫，個肯定冇插冇內射，但就不斷怕會唔會男朋友啲Precum 會hi 到我，我諗到已經分唔出係自己作出嚟定真係發生過，原本呢幾日都有啲好似谷M 嘅症狀，肚有少少痛，心情起伏大等等，但就嚟唔M 去到琴日，仲有流啡，不過今日就冇，好怕係着床出血，呢幾日不斷諗仲有其他事發生，同埋都好夜瞓同起身，前日仲食咗兩粒胃藥，唔知會唔會有影響
仲有排卵期俾預期中遲咗，係20-23/12 先嚟，但正常應該係16 號，禮拜頭，咁樣嘅話會唔會推遲咗個M 期？
好擔心
Hello 其實月經同埋排卵期都係會受好多唔同因素影響嘅，例如生活作息或者壓力等等都係會影響到，你提到你呢排有其他事發生，而且成日都夜瞓，可能都因為咁而會影響到㗎。
明白你可能會好擔心自己會懷孕，但係其實着床出血係一個少見嘅現象，你都未必係符合着床出血嘅症狀，而且單靠身體症狀去判斷有冇懷孕就太過片面，最好嘅做法都係喺性行為發生之後11日驗孕，有客觀嘅數據會係更加好嘅。就好似有陣時我哋喉嚨痛，然後就好擔心自己係中咗covid，但係喉嚨痛可能有好多原因，可能係咁啱呢排食得熱氣嘢多，都有可能係係感冒傷風，想判斷自己係咪中covid最好都係做檢測，而唔係單憑自己喉嚨痛，就覺得自己一定係中咗covid。
另外如果真係每次發生性行為之後都會好擔心嘅話，其實都可以思考下自己係咪真係準備好去發生性行為，或者發生性行為之前會唔會會有唔同嘅安全措施可以做咗先，例如用安全套或者食避孕藥，咁樣可能都可以減低你嘅焦慮感。
希望有幫助到你減輕你嘅焦慮啦 