我就嚟食完第三盒YAZ優悅 今晚食第三粒白色藥丸
但到現時為止都未見嚟M 上兩次M都好準時
食第三粒之前已經嚟M 我好擔心會唔會有左……
因為平時都係無套內射性行為
我從來冇試過漏服 日日都有食
由開始食藥到而家 頂多試過最離譜係有1次遲40分鐘食藥 4次遲30分鐘食藥 前兩盒本來11:52p.m.食 而家食緊第三盒就變到12a.m.先食 基本上都係準時食藥 最多試過遲40分鐘冇再多
請問我懷孕風險會唔會好大？其實呢幾日都有小腹脹痛 有谷M嘅感覺 定係其實我俾自己太大壓力？
Hello 唔使太擔心先 
如果你有定期咁食事前避孕藥，咁即使有無套內射性行為都好，懷孕風險會係極度極度低嘅。
你提到嘅嗰啲遲食情況，都係一啲可以接受嘅範圍嚟嘅，唔係嚴重，影響不大。至於點解仲未嚟M，其實一開始食避孕藥頭嗰幾個月都唔一定每次都會好準時喺食白色藥丸嗰幾日會嚟M，因為身體仲未完全習慣到，所以可能會早少少到或者遲少少到都係正常嘅。
而且嚟M其實都唔一定會係每一次都係咁啱同一日，基本上只要係食白色藥丸嗰幾日嚟M都係一個正常合理嘅時間，所以唔使太擔心呀。 