我而家食緊第4盒YAZ優悅 食到第二粒
我係上星期六(4/1)嚟M嘅
但發覺自己M到先第4日 今日(8/1) 已經好似冇乜M咁
尋日第3日M流量已經少 到今朝早即係第4日已經見乾淨左 所以唔肯定過多幾個鐘會唔會仲有少少
想問下食事前避孕藥係咪會控制M嘅流量？M會變少？
我未食事前之前 M係嚟足7日
我頭3個月食嗰陣都仲叫做有5日 (接近第5日已經冇乜M)
但到今次好似整體嚟講似係得3日M 雖然可能仲有少少 但而家暫時嚟睇個M就似完左啦
我有d擔心 請問我呢個情況係咪正常嘅？
同埋另外想問下 食事前避孕藥 有冇話長期食會對身體有咩影響？
見有人話最好食半年至一年就停一停藥
定係其實keep住食都唔大問題？
因為我見事前避孕藥係比較穩陣嘅避孕方法 避孕成效都非常高 所以我會想keep住食咁
正確服食冇漏服 成功率都超過99%?
Hello 你好呀~ 事前避孕藥如果正確地服用，成功率係超過99%。常見嘅副作用有頭痛、嘔吐、乳房脹痛等等，長期服用唔會有副作用嘅增加㗎，keep住食都唔會有太大問題。另外事前避孕藥係透過荷爾蒙去抑壓排卵，同時都會抑壓子宮內膜增生，令受精卵冇咁容易着床，月經量亦會減少，所以都唔使太擔心。