其實我睇好多網上資料
一d就話會減低患 一d就話會增加
如果我長期咁食避孕藥 其實會唔會有咩副作用或者增加患癌風險？ 謝謝
利申 食左避孕藥連續已經9個月 之前停左一年食返
我自己食左覺得
月經準時左
黎經冇咁痛
經血少左
扑野唔洗帶套
Hello
食避孕藥嘅短期副作用，一般包括頭痛頭暈，胸部脹痛等，但多數呢啲副作用只會維持一至三個月。如果長期食嘅避孕藥嘅話，其實有醫學研究顯示，服食避孕丸嘅女性，患卵巢癌及子宮內膜癌嘅機會較一般女性低四至五成，但患乳癌嘅機會則比冇服食避孕丸嘅女性稍高；至於避孕丸同子宮頸癌嘅關係，就尚未有定論。其他疾病，例如心臟病同血管疾病，有研究顯示白人女性服食避孕丸後，患血栓塞嘅機會略高於冇食避孕藥嘅女性，亦有小部分女性嘅血壓會有所增加。不過，呢類情況較為罕見。
所以如果係食避孕藥期間發現身體又唔尋常嘅情況，例如：有嚴重腳痛、嚴重胸痛或氣促、嚴重頭痛、視覺不清或感覺閃光等，都應立即向醫生諮詢
你好，剛才樓上所講嘅服食避孕藥嘅副作用係正確，主要都會係喺初期服食嘅時候發生，即係例如：胸部腫脹、頭痛頭暈，等身體不適，但呢啲都係初期發生。
至於你話有冇機會影響到其他身體健康問題，例如：可能患癌風險等，目前服食避孕藥大部分嘅研究都指出係比較小風險嘅，所以唔需要太過擔心。不過如果你認為口服避孕藥未必係一個好適合自己嘅安全措施，你亦可以選擇考慮其他嘅 安全措施嚟避孕，例如：改用避孕針、避孕貼，又或者使用安全套等。
當然你已經服食咗避孕藥一段時間差不多一年，都建議每位有採用口服避孕藥作為安全措施嘅，都需要喺開始服食避孕藥前要先諮詢醫生，而喺服食一段時間之後，例如：講緊係一年後，或者九個月以上，都需要去搵醫生再重新諮詢一下，睇下自己嘅身體情況適唔適合繼續服食避孕藥，又或者有冇一啲副作用係長期困擾住自己嘅。
多謝解答
不過我都好擔心會生乳癌
食避孕藥會增加生乳癌風險 比冇食既稍高
想問比冇食既會高幾多
搞到有少少驚食避孕藥 唔知自己係咪應該停好
有冇人食左避孕藥10-20年都冇生過乳癌
你好～
好多相關機構喺發表結果時都未有清楚列明風險會增加幾多，會概括為「比冇食嘅稍高，但都係好低風險」，但我有搵到有一份2023年英國嘅癌症研究（https://www.ceu.ox.ac.uk/news/any-type-of-hormonal-contraceptive-may-increase-risk-of-breast-cancer） ，話使用混合式荷爾蒙藥、單一荷爾蒙藥、注射式單一荷爾蒙同荷爾蒙子宮環嘅乳癌風險分別會增加23%、26%、25%、32%。睇落雖然好似好得人驚咁，但係呢份研究亦都指出停止使用荷爾蒙避孕法後係會可以減返低增加咗嘅風險，隨時間過去係可以去返冇服藥嘅風險水平，所以如果你好憂慮，可以考慮改用其他安全措施～
但都可以留意返，呢個結論未必係目前嘅主流理解，仍然有待醫學界繼續研究落去～ 同埋乳癌本身都受好多風險因子影響，例如年齡、家族病史、運動量、飲酒習慣等等，所以如果你有相關疑慮，最好查詢醫生嘅意見，睇吓點樣嘅方法最適合你～