想問月經血崩 算唔算嚟咗M 係咪都代表冇懷孕？
希望可以盡快覆 有啲緊張
你好，如果你嘅情況係同平時月經出現嘅情況一樣，或者差唔多，而出血情況又持續至少一兩日以上，咁呢一次可以視之為係月經，並唔會係所謂嘅著床性出血現象。
因為著床性出血血量通常係比較少，並唔會好似月經嘅份量咁多，通常只會係幾滴血左右嘅份量。
但今次出血量比以往多 且直到依家已經持續左13日 仲可唔可以視作月經 代表冇懷孕
Hello你好呀～ 如果出血量都比較多，而且持續咗咁多日，可以視作月經。見你都比較緊張有冇懷孕，都可以先自行驗孕，如果結果為陰性，就唔需要太過擔心。
咀係按常理嚟講 今次血量多都係月經 咀係冇懷孕？
Hello, 根據你嘅描述，嚟咗月經基本上代表無懷孕。而月經量受好多唔同嘅因素影響，例如生活習慣改變、生病服食過藥物、壓力大等等，如果經血增加或者經期變長，建議去睇醫生了解返身體狀況最可靠。
正如我地同事所講可以進行驗孕讓自己安心，驗孕棒嘅原理係透過尿液測試hCG嘅水平。hCG係卵子受精著床之後身體會產生嘅一種荷爾蒙。如果真係懷孕，當受精卵著床，身體就會分泌呢種荷爾蒙hCG。
驗孕日子，你可以喺性行為嘅7日之後驗一次，咁就會有初步結果；喺性行為嘅11日或之後再次驗孕，就可以得到更準確嘅結果。因為hCG嘅分泌會隨著懷孕嘅日子增加。所以你於愈後嘅日子驗孕，就會因為體內嘅hCG會愈多，而愈容易得到準確嘅驗孕結果 。
好的謝謝