19/12 做完之後，正常應該27-28就嚟m，但係到今日10/1 都未嚟，26號、30號同1月3號都驗過，都係一條線，咁係咪唔洗驚
Hello 係呀，你呢個情況唔使太驚係會懷孕。
一般嚟講，如果你有按照驗孕棒所指示正確驗孕嘅話，喺性行為發生之後11日驗孕就會得到準確嘅結果。如果你係19/12發生完性行為，然後喺1月3號驗過嘅話，已經過哂11日，如果都係得到一條線陰性嘅話，咁就已經係準確冇懷孕嘅結果，唔使太擔心懷孕啦。
月經都會因為好多因素而影響咗嘅，可能最近嘅生活作息、飲食習慣、情緒壓力等等好多唔同原因都會影響到令佢早到或者遲到。不過你個情況都遲到得比較耐，你都可以留意住你嘅身體有冇任何嘅唔舒服或者其他症狀先。一般嚟講，月經周期正負7日，即係21-35日都仲係可接受範圍。 如果月經遲到超過15天，就唔係一個咁理想咁健康嘅情況。如果你覺得好受困擾，或者身體有唔舒服，都可以考慮去睇醫生了解返身體情況，亦都可以睇吓有冇需要食催經藥。
希望幫到你。
1個讚