唔該
很擔心
我18歲 女友17歲
於11日前 曾發生性行為(非插入) 佢幫我用口 然後我都有摸自己下面 可能有部分前列腺液+口水混合物 如果我亦唔記得有冇好乾淨咁喺張床擦走我手指嘅混合液 亦都有幫佢去指交 雙方都係冇着下面 期後有一個體位係 我企喺佢後面 將下面貼著佢下面 磨左大概2秒 大概龜頭部分沒有碰到陰道的
然而我女朋友已經40日冇來M了 雖然佢本身都會遲大概一個禮拜先來 加上佢睡眠方面生活習慣最近不太好 而他一直都冇咩懷孕徵兆 最近有嘅都係佢平時來M之前都會有嘅症狀 胸漲痛 肚痛 腰痛
係我本人好擔心 加上佢本身遺傳係比較容易懷孕的 而且我地依家都係中六 我好怕咁樣佢會好辛苦 然後會好嚴重 好影響佢
真係如果有 都唔知可以點算
你好
首先，精子暴露喺空氣中通常幾分鐘內就會死亡，而且精子需要有精液嘅保護先可以生存，所以當接觸到皮膚、衣服、口水等表面嘅時候，精液會被吸收同揮發，進一步減低精子嘅存活率。所以只要指交或口交嘅過程入面性器官冇直接接觸，懷孕機率都係非常非常低嘅，但如果擔心下體磨擦嘅時候令體液接觸到對方性器官從而增加懷孕風險嘅話，建議使用喺註冊藥房買到嘅驗孕棒，並且跟據說明書嘅指引進行驗孕測試。
關於你女朋友嘅身體狀況，暫時未有醫學研究指出有任何嘅體質會特別容易受孕，而本身月經好容易受到其他因素影響月經週期嘅長度，例如飲食、作息、荷爾蒙分泌、服藥、情緒等等，都會影響到月經，心情、壓力大、情緒（包括擔心懷孕而引起嘅緊張），都有機會令到月經遲嚟，如果驗孕後結果呈陰性，而月經遲嚟嘅情況有惡化嘅話，建議諮詢一下醫生嘅意見，睇吓身體會唔會會有其他狀況而影響月經週期。
明白同了解到你嘅憂慮，如果有需要嘅話，都記得向身邊嘅人尋求協助
希望解答到你嘅疑難