想問下排卵期期間sex
喺正確使用安全套既情況下（全程戴，過程個套既外環喺陰道外，戴嗰陣拎實個頭，捲到最低）
再加上拎出黎射，事後再去灌水+擠壓佢都係冇水流出黎，請問係咪冇問題唔需要擔心？
題外話 想問下戴套嗰陣套唔落最低係咪正常的 我見佢有時因為近陰囊位置而捲唔曬，但外環一直喺性行為中可見（喺陰道外）
你好
留意到你喺使用安全套嘅時候都會依照正確嘅步驟（eg：將儲精囊內嘅空氣擠出、整個性交過程都戴住等等），不過都需要提醒返使用安全套前都需要確保（1）安全套未過有效日期、（2）包裝無破損、（3）安全套係適合自己嘅尺寸，咁不論對方處於排卵期與否，用家都可以喺性行為期間喺安全套入面射精。而正確使用安全套，避孕嘅成功率可以高達98%。
另外，因為安全套本身嘅設計會因應唔同用家嘅身體去預留少量嘅尺寸buffer，所以會有外環留喺陰囊位置都係正常的，只要佩戴嘅時候，安全套有捲到陰莖嘅根部位置就可以了。
希望可以解答到你嘅疑慮