食完事後丸 點解一個月兩次月經
有冇懷孕嘅機會
hello你好呀~事後丸係利用大量嘅人造荷爾蒙去達至避孕嘅效果,係有機會令到月經有唔穩定,又或者一個月出現兩次月經嘅情況。如果血量同你以往嘅月經來差唔多,而且有兩日以上,咁就可以視為月經,相信懷孕嘅風險唔大。如果你好擔心懷孕嘅問題,都可以自行驗孕,減少緊張。
即係食咗事後丸 有月經 都有機會懷孕?
Hello, 事後丸有分性行為後72小時或者120小時內服用兩種,兩種事後丸最好嘅做法係性行為後越早服用越好,以增加其有效性。事後丸嘅原理喺透過高劑量的人造荷爾蒙抑制排卵或干擾受精/著床過程,令女性嘅分泌物增加、又或者令子宮內膜變厚,從而令精子唔容易著床,無法懷孕。
食完事後丸之後2至7日可能會有類似月經嘅情況(通常稱為撤退性出血),岀血原因係子宮內膜剝落所導致既,即使有排卵,都可以令受精卵跟住內膜一齊排出,避免懷孕嘅。