本人男，29歲，單身，上個月26號嗰日禁不住誘惑，去咗本港一間酒店搵小姐尋歡，過程很簡單，大家一齊沖涼，之後上床互相舌吻，我有啜佢胸部，佢有幫我無套口交同埋啜我乳頭，之後戴套發生性行為，由於我男上插極都插唔入，所以係用女上嘅方式，過程並不激烈，但係唔知點解，射完拔出來嗰陣，個套滑落咗，只覆蓋了龜頭至陰莖嘅前半部分，後半部分並沒有覆蓋，唔通隔咗十秒左右才拔出來已經係太遲，所以導致咁嘅情況發生？當刻女方很擔心會懷孕，因為佢懷疑有部分精液流進她的體內，我比咗啲錢佢買事後丸，9號當天佢在內地一間醫院抽血驗孕，幸而結果是沒有懷孕，不過佢仍然有啲擔心，因為正常佢7號要嚟月經，但係到而家都未有，不過佢昨天跟我講，佢有強烈要嚟M嘅感覺，但係就係唔嚟，我有以下問題:
-
抽血驗孕報告的結果是否準確？女方係咪確實沒有懷孕？
-
我真係唔係好記得當時陰莖有沒有直接掂到佢嘅陰道，淨係依稀記得個套係滑落咗，有部分精液黏在我的陰毛上，至於精液有冇接觸到女方陰道，我亦留意唔到，雖然據女方所講，她從事性工作以來，一直都是戴套發生性行為，從不做無套性交，但係我開始擔心，而家我每日都留意住性器官同埋身體各部分嘅情況，好彩到目前為止，一切正常，我想問，我中性病嘅機會率有幾多？
-
我打算去社會衛生科做性病檢查，佢係咪可以驗哂各種性病？不過我聽講要等三個月空窗期，之後去驗，結果才準確，咁係咪即係話，即使我而家去驗都冇用？
Look forward to hearing from your reply，色迷心竅，以後都唔再嫖妓，我真係唔想有事，亦唔想對唔住屋企人。
你好，先解答你呢個間題。正確使用安全套既方式，係射精後應該要盡快從陰道拔出，避免陰莖變軟後安全套容易脫落，造成精液外溢。
至於抽血驗孕報告，只要係從正規既醫療機構/化驗所進行抽血驗孕，結果都是有公信力的，而且抽血驗孕一般都比自行以尿液驗孕更為準確。如果對於結果有疑問，可以係性行為後第11日再自行驗孕，結果會係非常準確。
若以物理方式去理解，精液接觸到陰道機會未必太高，依你所講拔出來嗰陣，安全套覆蓋了龜頭至陰莖嘅前半部分，而女上男下情況下，精液往下流，所以未必接觸到陰道。至中性病嘅機會，呢個我地就比較難去答實，但若對方一直都係進行安全性行為，而你拔出來嗰陣，仍然有安全套覆蓋半部份陰莖，咁就應該無直接接觸到對方性器官，風險就相對較低。
如果你有打算做性病檢查，其實性行為後一個月都已可以去驗，而結果都係有效既，不過都可以係3個月後再覆驗，確實唔會因為特殊情況而有假陰性出現。而社會衛生科診所都有提供梅毒、淋病、非淋菌性尿道炎、生殖器皰疹、生殖器疣、陰蝨、衣原體感染和愛滋病毒/愛滋病檢測，檢查形式主要包括驗血、拭子和外觀檢查。
1個讚
Thanks for the reply! 我想問，如果去社會衛生科檢驗，佢會唔會有病假紙比我？病假紙上面又會唔會寫明我係去咗社會衛生科？
另外，想問下3個月後覆驗，係咪指最後一次性行為後3個月？以我嘅情況，係咪即係我在1月26號之後就可以去驗一次？然之後3月26號再覆驗？
最新update，今早發現陰囊位置有一小粒嘢，我唔知算唔算係肉粒，因為從唔同角度睇，佢有時好似腫起咗，有時又好似冇乜嘢，粒嘢好細粒，淺紅色嘅，唔痕唔痛，我懷疑真係中招，因為我同屋企人同住，想問下，我而家呢個情況，啲內褲係咪要分開洗？共用浴缸及肥皂沖涼又有冇問題？同時，因為天氣乾燥，呢排皮膚爆拆，有時候會流少少血，想問下，呢個情況之下，係咪要好小心，唔好比人接觸到我啲血液？
我打算盡快檢驗，想問下，私家診所/醫療機構同埋社會衛生科驗性病嘅空窗期係咪一樣？會唔會因為私家診所檢驗嘅方法唔同，所以空窗期會縮短啲，可以早啲知道更準確嘅結果？另外，我想問，如果去社會衛生科驗，有邊啲性病係會即時知道結果？有邊啲係要三個月後覆驗才能確定？假設真係中咗招，有冇辦法完全根治？
我愈來愈驚，唔想咁就冇咗一世，我仲要返工，仲有好多興趣同埋想做嘅事情，總之我而家好後悔，希望你哋可以儘快覆，比多啲資訊我，謝謝
首先，生粒粒嘅成因有機會同衞生問題或者係皮脂腺阻塞有關係。生殖器同我地一般皮膚一樣會生同暗瘡咁嘅粒粒。如果內褲唔夠透氣，粒粒就有機會會出現，假如想了解更多係咪性病嘅病徵，可以注意返粒粒出現嘅情況有冇紅腫，或者係咪片狀式出現，甚至乎出現嘅時候有冇伴隨着流膿嘅情況。
另外，當高風險體液，例如精液、尿道球腺液（pre-cum)、陰道分泌物、腸液同血液，直接接觸到性器官、比較脆弱嘅黏膜組織（例如口腔、肛門、陰道、尿道口），特別係當上面有開放性傷口（正在流血）先會有比較大機會可以造成性病傳播，所以正常情況下，同屋企人同住唔會有過多需要擔心嘅情況。不過即使有冇性病，都建議用返自己嘅沐浴露同洗頭水，避免同他人共用肥皂（番梘），即使共用浴缸，都建議用淋浴嘅方式，避免浸浴。
關於空窗期方面，通常家計會、社會衛生科會要求3個月空窗期；某啲私家診所提供空窗期較短嘅測試，2星期左右已經可以做。
而準確度方面，病毒係需要時間先會出現病徵，亦即係潛伏期，大部份性病嘅潛伏期都係以日、甚至係月去計算嘅。而即使你已經有病徵都好，都需要過一段空窗期，等病毒嘅數量累積多啲，先至可以透過唔同嘅方法檢驗出病毒/病菌，因爲大部分性病嘅空窗期係3個月，早過3個月嘅時間去驗嘅話，都未必有最準確嘅結果，所以假如你喺最後一次性行為嘅3個月後去做檢測，就可以一次過知道到底有無患上性病，同時亦可獲得最可靠嘅結果。
而家大部份性病都可以喺藥物治療下痊癒，只有HIV病毒同部份HPV病毒暫時係無法根治，但係可以喺藥物治療下受控，只要及早發現之後盡快治療，係唔會影響到日常生活嘅。所以都唔需要因為呢件事而太過擔心，你已經盡咗最大努力為自己嘅健康同安全負責任了
1個讚
謝謝回覆，我會密切留意身體狀況，我有另一個問題，家母昨天開始嘴唇生疱疹，我先至醒起早幾日佢用我用過嘅叉來吉咗幾舊糕，然後用我飲過湯嘅碗 (冇洗過) 來叮返熱比我同佢一齊食，但係食嗰陣佢就係用自己的餐具，我好擔心會唔會係透過我啲口水傳染咗比佢?
Hello 你好呀～ 有關於皰疹方面，生皰疹嘅原因都有好多，例如壓力大或者免疫力低。共用餐具都有機會傳染皰疹病毒，如果唔想傳染俾其他人嘅都要盡量避免返啦。
你好，謝謝回覆，2月5日(距離最後一次性行為後第41日)我去咗一間私家機構檢驗，佢係用DNA及抗原抗體做檢查，涵蓋16種常見性病，當中包括梅毒、人類乳頭瘤(HPV)病毒、愛滋病、疱疹、淋病、衣原體等等，我打電話預約嗰陣，姑娘話如果揀呢隻plan，由最後一次性行為起計14日後就可以驗，除咗要在3個月後覆驗梅毒及愛滋病，個結果係準確的，報告出咗，結果全部都係陰性，但係今天(2月16日)早上起身，右眼突然發紅，並且多咗一啲黃白色嘅黏稠分秘物，因為之前試過感冒菌上眼，所以屋企擺定咗一枝醫生處方的眼藥水，我滴咗之後，分秘物就少咗，但係眼睛仍然發紅(平時就算因為疲倦眼紅都好快變返正常，但係今次一整日下來都沒有改善)，不過冇痕冇痛，亦沒有畏光，聽講梅毒上眼可以發生在任何一個階段，有時甚至是梅毒感染的唯一表現症狀，想問下，呢個情況發生的機會率有幾高?
我打算在到達第90日，即係3月26日之後再驗一次，以確定結果，我想問下，係咪90日後再驗一次，如果都係陰性，就可以100%肯定係冇事? 因為有部分性病的潛伏期係超過90日，假設90日後再驗一次，如果都係陰性，並且我自上次性行為(2024年12月26日)後就不發生性行為，會否有機會在90日之後才出現性病病徵?
Hello你好呀～一般嚟講90日已經有足夠嘅病毒水平去進行檢測，雖然唔可以話100%肯定冇事，但準確度有99%，如果你打算喺90日之後再驗多一次，而且冇再有唔安全性行為，就會更加準確。
至於眼睛發炎方面，現階段都好難確定係唔係梅毒感染，不過通常都會伴隨着其他症狀，如果眼睛情況冇改善嘅，都建議睇醫生啦。