上一次發生性行為是月經結束後的第四天，性行為臨近結束時發現避孕套前段被拉長了許多（有點像橡皮被拉長了的感覺，儲精囊並沒有貼著龜頭，但避孕套還是處於帶好的真空狀態，並沒有脫落）。當時未射精，已立即換上新的避孕套且帶套外射，事後進行灌水測試時兩個避孕套都未見有漏水或破損情況（整個避孕套灌滿了水也沒有穿）。想知道這次性行為是否安全，另外亦知道為什麼避孕套前段會被拉長。
補充一下，避孕套有少少向下移但還是包著一半以上的陰莖的
Hello~ 根據你形容嘅情況，安全套似乎係有少少鬆脫，咁嘅情況有機會係因為安全套嘅尺寸唔合適，揀安全套同揀衫一樣，啱身嘅尺寸都係好重要嘅，如果想知道點樣揀合適尺寸嘅安全套，可以參考下我哋呢個post : 安全套尺寸點量度？
你哋發現安全套唔係緊貼陰莖之後，就即刻換咗一個新嘅安全套，係正確嘅做法
完事後灌水入去安全套，亦係一個有效測試安全套有無破損嘅方法
整體而言，呢次性行為懷孕嘅風險唔大
不過因為安全套唔係整個性行為過程都緊貼陰莖，而陰莖喺性興奮時有機會分泌尿道球腺液 (pre-cum) ，當中都含有少量精子，所以如果擔心嘅話，可以考慮見醫生處方緊急避孕藥 (事後丸)。事後丸喺香港係必須經醫生處方嘅藥物，亦唔係所有人嘅體質都適合服用，佢嘅原理係透過高劑量荷爾蒙抑制排卵或干擾受精過程。不過因為事後丸係有服食時限嘅 — 性行為後嘅72小時內或120小時內，所以要睇睇你呢次性行為係幾耐之前進行，你亦可以參考下有關事後丸嘅詳細資訊 : 家計會 - 緊急避孕藥，再考慮要唔要見醫生。