有幾個問題想問一問：
1）用完condom後係咪一定要沖身，如果唔沖，對身體會唔會有咩影響？同埋一般sex後係咪都建議沖一沖？
2）4/1晚有用condom係出面磨 （無插入），11/1晚 係出面磨＋有入少少，13/1晚去完toilet抹下面兩次既時候，兩次都有點狀既血， 14/1晚就黎M。初初有D擔心點狀既血係著床出血，但又有黎M，所以應該唔關4/1 晚事。惟一擔心既係11/1晚，但應該唔會13/1晚就著床出血？
同埋想問一問點狀既血關黎M事嗎？定係其實係11/1破左處女膜，到13/1先出血？
3）另外想問一問係咪2月有黎M，先可以確定冇懷孕？
Thanks!
你好
雖然安全套嘅潤滑劑對人體無害，但性交後性器官都處於比較脆弱嘅狀態，容易受細菌感染，同時安全套嘅潤滑劑入面有甘油成份，而甘油容易造成念珠菌嘅滋生，所以建議性交後用溫和嘅暖水清潔返性器官，防止細菌滋生。
另外，著床性出血係指當受精卵着床喺子宮壁嘅時候有機會造成嘅少量出血，如果有用安全套嘅情況下磨擦性器官，而安全套係依照正常佩戴嘅方法去使用，懷孕嘅機率係非常細。而着床性出血都並唔係常見嘅現象，同時好容易同排卵期出血、陰道擦損出血等情況撈亂，點狀出血可能因為抹擦性器官嘅時候造成破損，又或者性行為嘅時候潤滑不足造成磨損而引致出血，未必同月經或結締組織（俗稱處女膜）撕裂有關。
月經係判斷懷孕嘅其中一個方法，但如果想確認係咪懷孕，最好嘅方法都係去註冊藥房購買驗孕棒，並依照說明書進行驗孕測試
受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
希望解答到你嘅疑難