我由上年6月開始打混合型避孕針,每個月都準時打,因為見避孕針嘅成功率幾高就冇用condom,而之前都有試過內射,每次打針前四五日就會嚟period。
今個月3號有性行為同內射咗,咁我今個月係17號打針,period suppose 13-14號會嚟,但到今日19都仲未嚟。姑娘就話我可以照打針,但如果下個月都未嚟就要驗孕。
我呢3-4日都有啡色分泌物同有啲想爆暗瘡。想知係嚟m定著床?如果真係中左,打針會唔會影響到個肚?
我由上年6月開始打混合型避孕針,每個月都準時打,因為見避孕針嘅成功率幾高就冇用condom,而之前都有試過內射,每次打針前四五日就會嚟period。
今個月3號有性行為同內射咗,咁我今個月係17號打針,period suppose 13-14號會嚟,但到今日19都仲未嚟。姑娘就話我可以照打針,但如果下個月都未嚟就要驗孕。
我呢3-4日都有啡色分泌物同有啲想爆暗瘡。想知係嚟m定著床?如果真係中左,打針會唔會影響到個肚?
你好 混合型避孕針嘅意外懷孕機率只有0.2 - 6%,本身你打混合型嘅避孕針都有大約半年嘅時間,身體已經建立一定藥效,同時間月經唔穩定嘅情況可以有好多因素,而混合型避孕針令體內荷爾蒙改變,亦係其中一個令月經不穩嘅副作用之一;另外,有機會係因為身體代謝荷爾蒙嘅速度改變咗,因而造成月經唔規律,建議下次打針嘅時候諮詢吓醫生意見,睇吓會唔會需要轉另一個牌子嘅避孕針或者轉用其他類型嘅荷爾蒙避孕法。
如果想確認係咪懷孕,可以去註冊藥房購買驗孕棒,並依照說明書進行驗孕測試 受精卵著床一般需要6-9日,所以係性行為後7日使用驗孕棒的話會有初步嘅結果,而係11日後或者預計經期嘅日子驗孕結果會更加準確,如果懷疑3號發生性行為後懷孕的話,而家已經可以進行驗孕嘅測試。假如打避孕針後確認懷孕嘅話,建議搵醫生做個詳細嘅檢查,睇吓對胎兒或者母體會唔會造成影響。
希望解答到你嘅疑難
我19/1 驗咗孕,得一條線,係咪算冇事?但因為我係第一次用,我驚驗過程中我有啲步驟係做錯。如果我喺小便嘅時候攞支棒放喺下便直接屙落去,咁做係咪啱?如果唔啱係咪suppose就應該出現咗無效嘅結果(即係T有一條線,但係c冇線)?
同埋我本身有啲啡色嘅分泌物,而家突然之間變咗做一細pat 黃色好似痰嘅物體,咁樣係咪正常㗎?
Hello, 見到你對驗孕結果同身體狀況有啲擔心。你目前嘅驗孕結果顯示係冇懷孕風險,而分泌物情況係正常生理變化,但建議留意有冇其他異常症狀。
驗孕棒上如果只係出現控制線(C線),代表檢測係有效,而結果係陰性,即係冇懷孕。你喺性行為後超過 11日驗孕,而C線出現但冇T線,係準確排除懷孕。
你嘅操作(直接喺小便流動中接觸驗孕棒)係啱嘅,因為大部分驗孕棒都接受「流動尿液直接接觸」或者「接尿杯後將尿液滴落棒上」兩種方法。驗孕棒嘅說明書會標明正確操作,建議每次用之前都仔細睇一睇。
如果控制線(C線)冇出現,但測試線(T線)有出現,或者兩條線都冇,代表測試無效,可能係操作錯誤或者棒有問題。如果你嘅結果C線出現但冇T線,即係測試係有效,唔需要擔心過程出錯。
黃色好似痰嘅分泌物,如果量少、冇臭味,通常係正常嘅陰道分泌物,可能係排卵期或者月經周期影響。 但如果伴隨氣味異常、痕癢或下腹痛,就要小心係細菌感染或者其他陰道炎症,要盡快睇醫生同檢查。