想請問感染左會有咩象徵?

我有少少擔心自己中左,我見自己手臂位日日突然長左好多紅色痘痘,不過隔左一個星期好似開始退散。不過其他部位都無生野。想問可以去邊度睇check下自己有無事。謝謝!

請問你指既感染係指感染咩野?因為如果係指性病,性病都有唔同種類,有唔同既病徵。
如果你講緊紅點,最接近類似病徵既性病會係梅毒,而梅毒症狀分為四個階段,第1階段,出現既病徵會係感染後,大概10至90日出現,包括:性器官肛門或口腔出現一粒或多粒無痛的梅毒潰瘍,感染區域周圍淋巴結會腫大,而梅毒潰瘍可持續三至六星期,不需用藥亦會康復癒合。

如無及時處理及治療會進入第2階段,即出現潰瘍後6-8星期,將出現不同症狀包括:發燒、頸部及陰部淋巴腫脹疼痛、頭痛、關節痛楚、肌肉酸痛、疲倦、於手掌部位及腳踭部分出現紅疹等,而紅疹可能會轉為斑丘疹或膿瘍,紅疹會漸漸轉為型態扁平、顏色偏白、疣狀病灶,類似扁平濕疣。
如未還未有及時治療,將進入隱性期梅毒感染,隱性期梅毒感染可持續多年,梅毒潛伏期間患者不會出現梅毒症狀。
所以如果你比較擔心,或近期曾經有不安全性行為,你都可以選擇接受各類型既性病檢測。係不安全性行為後30日就可以檢測,而結果都會係準確的,而90日後亦可以選擇再次檢測,避免第一次檢測時有假陰性情況出現。

我前日已經去左社會衛生科抽血化驗,剛剛好一個月。現在等報告結果需要三個星期,好緊張。

唔使太擔心,驗左都係買個安心,其實你D徵狀應該唔似係性病病徵。