我係15/1-22/1嚟M,喺23號,24號都keep住有少少流啡,直到琴日朝早起身,就直接有鮮紅色嘅血,到晏晝直頭變咗黑色,而今朝起身雖然冇在流血,但到晏晝都有流啡,唔知係咪排卵期出血或者係有左流產,但對上每一次性行為,都有正確地戴套,事後都有灌水測試,係冇穿窿。求解答
Hello~ 如果你上次性行為有完美使用安全套,而進行灌水測試都無滲漏,咁避孕率係高達98% 加上你已經有出現持續咗7日以上嘅月經,意外懷孕甚至再流產嘅機會好細~
至於排卵期出血會係血絲狀,顏色則以咖啡或淺粉色為主,可能有蛋白狀分泌物,血量都會好少,通常用護墊都足夠大概一至三日就完 按你描述嘅出血日數都符合,不過顔色就比較鮮紅啲,有機會會係仲有啲血未排清。我認為可以觀察多排先,但如果情況持續或開始出現不適,咁就建議諮詢醫生意見喇