避孕藥問題

想問吓26號食咗事後丸,今日已經check咗係Negative,如果之後想食yaz 係咪等嚟M嗰陣第一日開始食? 因為我上網睇見到有人話食完事後丸 會有撤退性出血 所以唔知真係有血嗰陣 係月經定係撤退性出血 ,定係我等完咗今次經期下一次先食好啲?

Hello你好啊~事後丸係透過大量嘅人造荷爾蒙去抑壓排卵、或者改變子宮內膜嘅環境達致避孕嘅效果,係有機會導致撤退性出血,可以留意返今次月經量同以往嘅有冇分別,或者持續嘅日子同之前月經係咪差唔多去判斷返係唔係月經。
如果喺嚟月經嘅第一日開始食事前避孕藥,連續食7日身體就會建立一定嘅荷爾蒙水平去避孕,如果喺月經以外嘅日子開始食事前避孕藥,就需要連續14日準時服用先可以達致避孕嘅效果。