18/1 夜晚有性行為,男朋友拎安全套出嚟時啲精液係最頂位置漏出嚟。
我驚安全套漏咗出嚟,20/1食咗事後避孕藥
26/1用驗孕棒係negative
2/2 再驗都係negative
我預計m到係1月底,但到依家都未嚟,擔心會唔會真係有咗。我呢排月經週期都係31-36日,但依家已經第38日了
Hello, 根據你嘅描述,你係性行為後48小時內食咗事後避孕藥,呢個時間內食事後藥係有效嘅,避孕成功率好高。然後兩次驗孕都係 negative(陰性),如果驗孕棒使用方法正確,陰性結果表示懷孕可能性好低。
事後避孕藥含有高劑量荷爾蒙,可能會打亂你嘅月經週期,導致月經遲到或者不規則。呢個係常見嘅副作用,唔需要太擔心。除咗事後避孕藥嘅影響,壓力、生活習慣改變、荷爾蒙波動等都可能導致月經遲到。
事後避孕藥可能會令月經遲到1-2星期,建議你等多一星期,睇吓月經會唔會嚟。壓力會影響月經週期,試吓放鬆心情,保持正常作息,等身體恢復。如果月經遲到超過2星期,或者你有其他不適(例如腹痛、異常分泌物等),建議睇婦科醫生,檢查荷爾蒙水平同排除其他可能性。
安全套破裂,可能係唔正確佩戴、尺寸唔合適、過程中潤滑唔足夠等。如果你想確認安全套有無破裂,可以事後裝水落去安全套入面,睇吓有冇漏水。
好,等我睇多一個禮拜先
因為發生性行為個段時間應該係排卵期,所以有啲擔心