男朋友諗太多?

基本上每次sex都係我提出 而佢嘅態度都係半推半就
呢個問題其實都已經一段時間

佢話因為真係好驚有BB 墮胎又好傷身 所以寧願用手或者用玩具嚟取悦我就算 仲話玩具隨時仲舒服添 我唔否認 的確係好爽好容易高潮 但係就冇咗兩個人之間交流嗰種感覺

但係明明我哋已經做過幾次 結果亦都證明咗係有正確使用condom 不過佢都係唔放心 始終都係驚嗰個negligible嘅失敗率發生喺我哋度

我自己又唔開心:pleading_face:但係我知其實佢都好焦慮

佢直頭提出過絕育 但係我叫佢唔好 因為好難返轉頭

你好,明白懷孕風險係有壓力,而你亦好希望借著性行為同男朋友更加親近,或者有一種交流嘅感覺。不過都想你明白性行為其實係需要有共識先至可以發生,同埋亦都係要睇雙方嘅意願。作為伴侶都應該需要尊重雙方嘅意願,所以如果對方對於發生性行為呢一種親密關係有所保留,亦好難用強迫或者半推半就嘅方式去發生。
如果你真係好想以性行為嘅方式,來增加大家嘅親密感,你可以同男朋友認真探討一下,例如學習正確使用安全套嘅方式,正確使用安全套之下成功避孕率係可以達到99.7%,咁就冇咁容易面對懷孕嘅風險。又或者可以建議進行雙重安全措施,例如:使用安全套加服食避孕藥等等。安全措施其實都有好多唔同既選擇/方式,唔一定去到絕育咁極端既選擇。
另外伴侶之間要增加親密感,其實並非局限於發生性行為,亦可以透過日常生活嘅互動,例如:接吻、擁抱,甚至乎愛撫等方式嚟增加親密交流,你亦可以選擇喺日常生活同男朋友增加呢一啲嘅身體互動,亦可以增進交流嘅感覺。