我尋日12:00a.m.食藥 而家食緊第5盒YAZ優悅避孕藥 食到第3粒
尋晚食完藥之後 因為同人嘈交 情緒唔係好對路
喊左好耐同好嚴重 然後開始氣管收縮 反胃 咳
大概12:30a.m.-12:45a.m.呢個時間點有咁嘅情況 喺呢段時間內反胃持續左3-5次左右 差唔多呢個數 實際唔係好記得
全程冇真係嘔吐過 亦都唔見有吐左d咩出嚟 但係就因為情緒太激動 先會有反胃同想嘔嘅跡象 亦都感覺唔到有藥嘅物體上返個口度
因為都超過8個鐘頭冇食野 都係空肚食藥
但為保險起見 我需唔需要補食一粒?好驚無意中咳左粒藥或者反胃時跌左出嚟
但我當時就感覺唔到有任何嘔吐物出嚟 係得反胃個動作同個聲仲有個感覺
而家都過左14個鐘頭 都幾擔心 唔想影響到避孕效果……
唔好意思 想多個補充
啱啱有問過當時在場嘅人
佢話 淨係見到我作嘔 但冇嘔任何野出嚟
而我自己回想起當時 都係幾次作嘔 然後就變做氣管收縮 開始唔係太唞到氣 當時喺地下都搵唔到任何嘔吐物
加上冇食野 除左粒藥 個胃都係空嘅 我相信都冇乜機會嘔到野出嚟
係我自己比較擔心啫 因為我自己好重視嗰個避孕效果
你好,如果無嘔係唔需要補藥既。
只係如果服藥後係好短時內,如:4小時間內有嘔吐或肚瀉情況,最理想係要補食一粒。至於對避孕功效有無好大影響,主要考慮服食避孕藥既時間長短,如果開始服食避孕藥少於3個月,即未食夠3盒,係有機會影響避孕功能,因為採取避孕藥作安全措施,通常都會喺服食三個月後身體先至會有穩定嘅避孕機制,所以如果未夠三個月,而有出現漏藥或者服藥後嘔吐等情況,其實都建議喺補藥之後嘅七日,都要採取額外嘅安全措施,咁樣係會最安全穩陣。
如果已經服食一段長時間,例如:三個月以上,甚至乎係以年去計算,偶爾出現一次漏藥或者服藥後嘔吐嘅情況,都應該係要補藥,但因為身體已經建立咗一個穩定嘅避孕屏障,唔加額外嘅安全措施,其實都唔係太大嘅問題。