停藥後月經遲黎

對上一次嚟m係12月26日(係停藥後嘅撤退性出血),過咗呢次嚟m之後就冇再食藥。

到今日2月5日都未嚟m。對上一次性行為係1月26日,而我2月1日驗過得一條線。請問咁樣懷孕機會大唔大?同埋我係咪應該過幾日再驗?:pray:t2:

你好,首先想了解下你對上一次性行為時有無用其他安全措施?另外,因為你之前有食開避孕藥,服食期間周期係會變得穩定,而停服後周期會慢慢因應身體狀況而有變化,所以變得唔穩定都有可能。
想提一提,如果你暫時係無諗住懷孕,而唔使用避孕藥作安全措施,記得要選擇使用其他安全措施,如:安全套。
而你暫時驗孕結果係陰性,但並不完全代表沒有懷孕風險,因為自行驗孕要有準確結果喺需要性行為後第7日或第11日進行,因為驗孕棒係透過檢測尿液中嘅hCG (人絨毛膜促性腺激素)含量,呢個激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後或者預計經期嘅日子驗孕結果會更加準確。所以你宜家可以驗孕多一次,結果係陰性就無問題。

每次都有用安全套啊。2月6日我test咗,陰性。但我仲未嚟M​:sob:請問係咪因為關停藥事?

Hello,留意你有用到安全套,亦都做咗驗孕測試呈陰性,理應冇懷孕嘅風險~

如果係剛停藥的話,身體會需要時間適應荷爾蒙轉變,月經嘅周期都會因而受到影響,另外,本身月經都好易受到其他因素影響,例如飲食、作息、荷爾蒙分泌、服藥、情緒等等,都會影響到月經;心情、壓力、情緒,都有機會令到月經遲嚟,如果驗孕後結果呈陰性,而月經遲嚟嘅情況有惡化嘅話,建議諮詢一下醫生嘅意見,睇吓身體會唔會有其他狀況而影響月經週期。

1個讚

多謝回覆,請問停食藥後遲黎m係咪正常/常見?:sob::pray:t2:

Hello~正如上面同事所講,月經周期本來就受多種因素影響,例如生活作息轉變、飲食、壓力等,意思係因為佢哋會影響我哋體内嘅荷爾蒙水平,而避孕藥係一種人造荷爾蒙,當你停藥後,身體都需要時間去重新適應呢個轉變,所以停藥後遲嚟m都係正常、有機會出現嘅情況嚟嘅:raised_hands:t2::raised_hands:t2:

我第十六日驗都係陰性 係咪可以排除懷孕可能性了?:sob::pray: