Hello我好擔心會有 上星期同男朋友做非插入式冇擦過冇用性器官磨擦過但係我摸完佢嘅性器官之後有摸自己嗰個但佢做之前係洗過性器官嘅佢射嘅時候我有着返底褲射咗有啲喺我件衫度胸都有少少
會唔會因為咁樣流入去底褲再入陰道而懷孕
今日有啲出血好驚係着床出血係深紅色嘅一小攤
你好，如果你同伴侶進行非插入式性行為，就算伴侶因為性興奮面排出含有精子嘅尿道球腺液，的確尿道球腺液會含有少量精子，但因為精子需要喺特定嘅環境下先至能夠存活到。精子一旦暴露喺空氣之中，都會好快死亡。另外精子暴露咗喺空氣當中都會好容易揮發、又或者接受皮膚後都會容易死亡，所以精子失去咗活動嘅媒介其實唔會存活到，所以如你描述嘅「非插入式性行為」導致懷孕嘅風險其實都好低～
而你既出血情況亦並非着床性出血，反而可能係月經前出血，有月經就代表無懷孕。
都留意到就算進行「非插入式性行為」，你都會擔心，所以建議現階段體外磨擦都要使用安全套。希望做咗安全措施之後就可以感覺安心少少。
1個讚
你好我今日都有一攤鮮紅色嘅血有啲似係月經第一日但係用紙巾抹有啲粉紅色嘅，都仲係有啲擔心係着床
Hello
正如同事提及到，「非插入式性行為」導致懷孕嘅風險其實好低，而著床出血同月經最大嘅分別係血量會比月經少，而且日數比月經短，通常只有1至2日。
如果唔確認出血嘅狀況係著床出血抑或月經，又想確認係咪懷孕，你可以去註冊藥房購買驗孕棒，並依照說明書進行驗孕測試
受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
假如出血情況有持續或者唔尋常嘅情況（eg 持續粉紅色/點狀），建議諮詢吓醫生嘅意見，了解下實際情況。
希望解答到你嘅疑難
1個讚
Hello係咪有鮮紅色嘅都唔會大機會係懷孕
你好，着床性出血一般嚟講血量會少到唔洗用衛生巾，見到你形容係「一攤」血，似乎就唔係太似喇～ 不過就好似同事所講咁，如果你想儘快確定有冇懷孕，最快嘅方法係驗孕，如果唔係就可以觀察多陣，只要血量接近平日月經 / 出血多過兩日 / 血量多於護墊可以承受嘅量，都可以理解為係月經㗎啦～
1個讚
好多謝你咁我應該冇事啦
1個讚