我同男友拍拖一段時間，大家都覺得現在feel good有進一步的親蜜行為。因為我們二人都無性經驗，想問下第一次的安全性行為有什麼要注意呢？
女生的第一次是不是一定會痛呢？若然，有什麼可做去減低/避免？
男生在第一次進入女生體內時有什麼要注意呢？
避孕套如何正確使用而不會有精液流出呢？
我諗除左正確使用安全套之外，亦要留意係戴好安全套之前避免將陰莖接觸陰戶，又或者用手觸摸陰莖後再掂到陰部。因為男生興奮時分泌嘅前列腺液已經有足夠精子可以懷孕，所以亦唔好做做下先戴套。
唔一定，但因為唔習慣陰莖嘅大細，加上緊張嘅心情，不適感覺在所難免。減低不適感覺主要係令自己更投入，從而分泌更多嘅愛液潤滑。第一樣可以嘗試嘅係多啲前戲，教男朋友熟悉自己嘅敏感地帶，有足夠嘅刺激就會更加投入。
好多時男生都唔太知道要點樣入去，可以幫幫忙用手引導陰莖去正確嘅位置。門口應該相對上易入去，可以嘗試輕輕力慢慢咁進入少少，再比較快咁樣出返黎。重覆咁樣慢慢推進，如果你覺得忍受不住，可以叫他慢慢退出。
要留意第一次並唔係完美嘅，因為性愛要兩個人慢慢磨合去提升大家嘅感覺，所以唔好因為第一次怕痛同唔舒服而卻步。兩個人可以傾下點樣令對方更舒服，practice makes perfect。
呢度可以參考下：
http://www.rrc.gov.hk/safer_sex/chinese/g_steps.htm
2個讚
咁安全套有無分正反面？
會5會調轉左戴架？
係有正反之分的，如果調轉會戴唔到，因為拉唔到落去，如果戴錯左，記得要用過第二個，因為如果就咁戴返，就可能已經有嘅液體係上面。
我哋之前都揾過醫生拍片教大家點戴套，可以參考下
2個讚