我今日係週期第30日 平時都係around 29-32日 今日用左clear blue digital就顯示negative 不過唔係晨尿 唔知會唔會影響結果？
我25日前性行為冇戴套（cycle day 5）冇射入邊 但之後幾次性行為都有戴返有用水check冇穿 上網睇話係咪18日後驗孕冇事通常都係冇事？
我之前黎m前都會好多分泌物但係依家又冇咩有啲奇怪所以有啲擔心但係胸痛同腰痛就都同平時一樣有
Halo
關於驗孕棒，可以先同你講解一下佢嘅原理
驗孕棒係透過檢測尿液中嘅hCG (人絨毛膜促性腺激素)含量而得到結果，而呢款激素會係受精卵著床後開始大量分泌，一般受精著床呢個過程需要6-9日，所以係性行為後7日使用驗孕棒的話，就會有初步嘅結果；而係11日後或者預計經期嘅日子驗孕結果會更加準確。所以只要喺適當嘅日子之後，同埋使用可以喺註冊藥房買到嘅驗孕棒，並且跟足說明書嘅指引，其實準確度會係非常高。至於係咪需要使用晨尿，其實只要喺性行為七至十一日後進行驗孕，即使唔係用晨尿，都係可以驗出準確結果，而且隨着懷孕嘅日數增加，hCG含量亦會越高。所以照你上面所講，如果你喺該次性行為後25日到用左驗孕捧又得到negative嘅結果，咁相信結果已經非常準確。不過，提一提你，因為我見你提到期間都仲有發生性行為，咁你今次驗孕棒嘅結果就未必能夠包括到所有嘅性行為。
至於月經方面，一般月經周期可以長達35日，而且你都已經有用到避孕棒並且得到negative嘅結果，所以其實你都唔使太擔心住～
咁如果我冇儲好多尿就驗會唔會有影響
同埋之後每次都有戴返套
你好，自行驗孕又唔一定需要用晨尿，所以唔需要太擔心。因為唔係所有嘅驗孕棒都要求使用晨尿去做檢測，你可以留意一下說明書，如果有特別要求使用晨尿嘅，咁就需要。如果冇特別要求，其實唔一定使用晨尿都可以驗到有準確嘅結果。
我喺Cycle第32日忍咗大概4-5小時嘅尿再驗多次都係Negative 咁係咪已經好低懷孕機會
冇錯，懷孕機會非常之低，都可以相信驗孕結果，唔使太擔心 