我今個月5號，16號各食左次事後丸，20號黎M. 我仲可吾可以食事前避孕藥？黎M就代表無懷孕？
你好，首先你20號有黎月經，即係代表你無懷孕，呢個唔使再擔心。
另外，你一個月食左兩次事後丸，係非常頻密，因為緊急避孕藥係唔建議作為一種長期使用、恆常嘅避孕方法，亦唔應該喺同1個月經週期內服用多於1次。因為緊急避孕藥都屬於高劑量嘅荷爾蒙，對身體嘅副作用會比較大。如果你擔心有懷孕風險，應該要考慮其他既安全措施，如：使用安全套／服依事前避孕藥等。
至於可唔可以食事前避孕藥，食事前避孕藥係其他可行既安全措施，不過首先想提醒第一次服用事前避孕藥之前，可以去諮詢醫生嘅意見先。因為每款避孕藥當中嘅荷爾蒙同劑量都有唔同，同時唔喺每個人都適合服用避孕藥（例如有心臟／肝功能／免疫系統問題），再加上你曾經頻繁服食事後藥，所以喺服用第一次服用之前，由醫生評估身體狀況，再決定服用邊款事前避孕藥就會更加可靠。建議可以去家計會又或者私家診所見醫生攞藥。 另外，服用一段時間後，即使身體冇乜特別反應，都建議每年去見一次醫生，睇下仲適唔適合繼續食呢款藥。