有打飛機的習慣，但是最近開始擔心會不會有殘餘物令別人懷孕，因為傳說打完飛機射精之後排尿能夠把陰莖中的大部份殘餘精液排走，但是我擔心在尿液排走之後還會有殘餘，這些殘餘物如果在馬桶邊邊不小心留下，或者通過其他方式把第二次或以後的排尿的尿液讓女性接觸，從而讓女性陰道有機會接觸，會不會導致她們懷孕？以及正常打飛機應該如何清潔？
Hello, 明白你嘅擔心！打飛機係正常嘅生理行為，但係關於精液殘留同懷孕風險嘅問題，係好好嘅提問，我地會詳細解答你嘅疑問，同埋俾一啲清潔建議你。
Q: 射精並排尿後嘅精液殘留情況?
A: 打完飛機後排尿，可以排走尿道內大部分嘅精液，但尿道內可能仍然會有極少量殘留。
Q: 馬桶邊或其他表面嘅精液殘留有咩影響?
A: 如果精液殘留喺馬桶邊或其他表面，之後再有女性接觸到，懷孕嘅風險係極低嘅。因為精液離開身體後會好快失去活性，無法生存。而且精子需要直接進入陰道先有機會令卵子受精。
打飛機後嘅清潔建議：
- 打完飛機後立即排尿，幫助排走尿道內嘅精液殘留。
- 用清水清潔陰莖，特別係龜頭同包皮下面嘅位置，確保冇精液殘留。
- 用乾淨嘅毛巾輕輕抹（印）乾陰莖，避免潮濕環境滋生細菌。
- 如果精液有機會接觸到其他表面（例如馬桶邊），可以用消毒紙巾或者清潔劑清潔。
- 清潔後避免共用毛巾，以防細菌傳播。
平時都需要保持清潔㗎，每日清洗陰莖，保持乾爽，避免感染。如果你擔心精液殘留，可以考慮打飛機時使用安全套，方便清理。
那麼想問一下如果打飛機後正常排尿（不是為了清除精液）那麼那些液體會不會有殘留精液混合在尿液，如果有的話會不會導致女性懷孕，如果那些了不小心殘留在廁所板周圍
Halo
sorry遲咗少少覆你～
解答返你上面所講，其實射精後嘅小便係冇分「正常嘅排尿」或者係「特別為咗清除精液而有嘅排尿」。所以同上面同事所講一樣，其實都有機會有少量精液喺入面，但當然每個人嘅身體狀況都唔同，我哋都冇辦法姑娘到排尿後係咪能夠清除所有殘餘嘅精液。不過一般嚟講都唔使太擔心，因為只要你喺同異性進行插入式性行為時有用安全套嘅話，其實懷孕嘅風險就已經好低～
而另一條問題，同之前同事回答你一樣。精液係殘留喺任何陰道以外嘅地方後，再有女性接觸到嘅話，個懷孕嘅風險係極低的。因為精液離開身體後，好快就會失去活性，無法生存。因此，精子需要直接進入陰道先有機會令卵子受精。