2月6號經期第三日開始服用Yaz28粒裝避孕藥，直到2月20號開始有出血情況，持續幾日上廁所先會抹到有少少血亦都有流啡嘅情況，直到今日25號出血量開始有多少少，有啲似period第四五日嘅量。上網睇過有機會係服用初期嘅間歇性出血，但係仲剩低四粒粉紅色有藥性嘅藥丸，應唔應該停。。。主要係下個月8號會進行性行為，啱啱都買咗一盒新嘅返嚟，唔知道應該幾時開始再食呢？
同埋呢種出血嘅持續時間正唔正常？希望有好心人可以解答吓thank you！！
Hello, 明白你嘅情況！食避孕藥初期有出血或流啡係常見嘅現象，唔使太擔心，請繼續服食剩餘嘅避孕藥。
食避孕藥初期（頭3個月）有出血係好常見嘅，尤其係Yaz呢類低劑量荷爾蒙避孕藥。呢種出血叫做「突破性出血」（Breakthrough Bleeding），通常係因為身體未適應荷爾蒙變化。出血量可以好少（例如抹到有血），亦可以似月經咁多，視乎個人體質。出血可能持續幾日，甚至成個服藥週期都有。身體需要時間適應荷爾蒙變化，通常3個月後會穩定。如果出血量好大（例如似月經咁多，持續超過7日），或者伴隨嚴重腹痛，建議睇醫生檢查。
即使服食期間有出血，都建議你繼續食晒剩低嘅4粒粉紅色藥丸，完成呢個週期。停藥可能會令出血情況更唔穩定，亦會影響避孕效果。食完28粒藥後，如果無任何身體不適可以連續食新一盒藥，唔停藥，咁樣可以確保避孕效果。如果你對避孕效果有擔心，可以考慮用安全套等安全措施。
溫馨提醒，每日同一時間食藥，避免漏服。關於出血情況，可以記低出血嘅日期同量，方便同醫生討論。
希望以上建議幫到你！
好多謝你啊！另外我都有樣嘢好奇就係呢四日嘅藥食完之後需唔需要食白色？定係話直接開新嘅一盒粉紅色？同埋係唔係會再嚟多次類似period嘅血量？擔心食完四日白色藥丸之後食返粉紅色藥之後d血都係唔斷
Hello, Yaz 28粒裝避孕藥入面，最後4粒係白色藥丸，係冇藥性嘅。呢4粒白色藥丸係提醒你保持每日食藥嘅習慣，同時等身體有時間休息，等月經嚟，而月經量係初期可能不穩定，長期服食並且身體適應後月經量會較穩定及減少。食完呢個週期嘅28粒藥丸，之後開新一盒藥繼續服食。
可以觀察一個星期先，如果出血情況持續就要睇醫生檢查。
好的Thank you