想請問應該係12號發生性行為，安全套完全脫落咗，之後有內射到，當時有即刻去沖涼，好擔有小朋友
，買咗clearblue 驗孕棒，因為官網話預計月經逾期之日 6 日前用會準，唔知幾號驗會準確啲。當時係喺月經完全走晒嘅第2或3日內射嘅，想知有小朋友嘅機會有幾多？Thank you 
Hello, 明白你嘅擔心！安全套失效同有內射，係有懷孕風險。驗孕係最直接知道有無懷孕嘅可能性。
驗孕棒嘅原理係透過尿液測試hCG嘅水平。hCG係卵子受精著床之後身體會產生嘅一種荷爾蒙。如果真係懷孕，當受精卵著床，身體就會分泌呢種荷爾蒙hCG。
驗孕日子，你可以喺性行為嘅7日之後驗一次，咁就會有初步結果；喺性行為嘅11日或之後再次驗孕，就可以得到更準確嘅結果。12號發生性行為，如果係今日25號或26號驗孕嘅結果係非常準確。因為hCG嘅分泌會隨著懷孕嘅日子增加。所以你於愈後嘅日子驗孕，就會因為體內嘅hCG會愈多，而愈容易得到準確嘅驗孕結果。
安全套脫落可能係尺寸不適合，安全套佩帶後應貼身，不宜過緊或太鬆。發生性行為後沖涼係良好嘅衛生習慣，但未必能將精液完全沖洗，因為部分精子在性行為過程中可能經由陰道游入子宮。
如果發生不安全性行為感到擔心，建議盡快到醫院診所、家計會或母嬰健康院睇醫生購買事後藥。事後藥係性行為發生後愈早服用避孕效果愈佳。