我又嚟問問題啦
食yaz就快一年 每日準時食 就算唔記得都兩個鐘內補返
7-10/2有嚟M 9號開新藥
但因為嗰段時間沾寒沾凍都有食啲藥 同埋都胃痛咗段時間 keep住有食胃藥
12 19/2有不安全性行為
但19-23下面keep住有極少量嘅啡血 淨係痾尿先抹得到嗰種
停咗幾日 今日27又嚟返 今次鮮色少少
想問下子宮外孕嘅機會大唔大？好怕有呢個機率
我應該要即刻驗孕？定等埋下禮拜會唔會mc先再算？
同埋如果子宮外孕嘅話 家計會係咪都可以流？
唔該晒
你好，就咁睇你既情況似乎同宮外孕無咩大關係，宮外孕嘅症狀症狀通常出現係第4～12週之間，病人會先意識到自己月經無嚟，然後發現陰道出血，但又同平常月經不同，會流出水樣分泌物或顏色較深的血。隨著宮外孕嘅時間愈長，輸卵管部分會受到壓迫，進而開始出現下腹痛、解尿疼痛等症狀，而當輸卵管因為宮外孕破裂，有機會大量出血，女性就會出現大量陰道出血、突發性腹部劇痛等嚴重症狀。即係話，子宮外孕造成嘅岀血，大前提係月經無嚟，然後先會有岀血等情況。而你剛完月經，又有準時服食避孕藥，似乎未必有懷孕情況出現。
不過如果你擔心有懷孕機會，你可以先自行驗孕，如果係陰性就無懷孕，宮外孕都會驗到的。而驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確，你宜家都可以驗得。
另外，月經後不久就有流啡情況係有點不尋常，所以你可先自行驗孕，然後都建議要睇醫生，睇下會唔會有其他原因引致有流啡問題。
okk唔該晒你
