啱啱開始食事前避孕藥，食緊YAZ個隻，由我黎m 第一日開始食，今日第十二日都仲未黎完，有啲擔心個情況，原本係諗住食黎調經，平時黎m 只會黎6日，依家已經第十二日。。。
你好，如果你係第一次服用避孕藥的話，一般都會建議服用避孕藥之前，必須諮詢醫生嘅意見，等醫生評估你嘅體質／生活習慣，係咪適合服用避孕藥，或者適合服用邊一個牌子／款式嘅避孕藥。因為每個牌子／款式嘅避孕藥內含有嘅荷爾蒙類型同埋劑量都會有唔同 ，有機會某部分避孕藥唔適合你嘅體質，係有機會引致嚴重嘅副作用。 避孕藥亦並非每個人都適合服用 ，一般常見唔適合食藥嘅情況，例如有心血管疾病、不規律陰道出血、體重過高等。
正常嚟講，避孕藥喺會令每個月嘅出血日數同出血量減少嘅，月經周期會規律啲。但你嘅情況有機會係因為你食緊既避孕藥未必適合。所以建議你先諮詢醫生嘅意見，再睇下有無需要轉服其他牌子。
其實準備黎講，我頭6日係黎緊正常嘅月經，之個個啲就好似月經收尾個陣嘅啡色或者少量嘅紅色
Hello 如果係輕微嘅陰道不規則出血，都屬於避孕藥嘅常見副作用，有機會會喺一開始食避孕藥嘅時候都有機會會出現。如果情況變得嚴重，例如出血量好多，或者一直出血不止嘅話，都會建議停藥同埋睇醫生啦。