同條仔啱啱起埋大約半個月啦，年紀相差有啲大，但一樣都係年代，好睇唔明佢究竟想點，可能係因為自己太過於不安或者敏感？亦都可能因為我第一次拍年紀相差咁大，我唔想做一個令人有壓力嘅女朋友所以我唔想咁Push佢
First覺得佢忽冷忽熱，一個要返學，一個要返工，之後放假星期六先可以約，唔知佢真係忙定係單純唔想覆message…… 時唔時都會打電話俾我？同埋同我講收工…我理解佢返工，所以覆唔到message好正常，我理解佢返工，所以覆唔到message好正常，但有時候我覺得係佢睇到然後選擇性唔覆…可能臨近星期六出街前兩日就會突然間熱情好多，可能因為就要見到啦，或者我哋要去discuss去邊度
其次，（好猴急）根據我個friend眼中第二次見面我哋就去咗開房…佢有事先問過，不過後尾諗吓都確實於猴急，你又誤會佢係究竟想要女朋友呀？定係淨係想約炮？所以我問過佢… He want girl friend ….然後有次下來嘅發展……然後現時發生件覺得佢好唔負責嘅事，我一個人處理消失咗咁….唔知佢係要返工啊定係唔知做緊咩….而家我都好嬲，覺得佢好唔負責，甚至覺得佢係serious好嬲
然而網上又講咗好多關於好仔唔當差話警察有10個八個都係fuckboy啊賤男咁，搞到我好驚，唔知點算，所以想問吓大家意見，希望大家唔好嫌長….
啲字可能有少少重複啦，冇睇到，但我已經冇得改啦
補充多少少：
其實第一次見面嘅時候，因為佢下晝其實要返工所以時間不夠，但係嗰時佢已經好夠急啦已經上下其手啦，嗰時候我並沒有反抗嘅，算係你情我願啦，咁確實又過於猴急，所以發展到第二次見面嘅時候，我問咗嗰個問題
Hello~ 聽到你擔心緊兩樣嘢：一，同對方嘅schedule 唔夾，對方唔係成日覆機令你感覺忽冷忽熱，唔確定對方係咪認真；二，唔知對方係咪只想約炮 
第一點方面，唔少工作都未必能夠成日使用手提電話，所以呢樣嘢唔一定關佢嘅職業事，更可能係佢嘅工作模式/生活節奏/人生階段同你有差距，又實際上令你有不安或不被重視嘅感覺～
第二點方面，似乎你哋對於段關係嘅想像同發展方向未有討論同共識，以至喺肢體接觸上出現落差，甚至會覺得對方唔係想認真發展關係，只係想發生性行為
呢兩樣嘢其實都會反映到有溝通、詳談嘅需要，第一點方面你可以問吓對方，或者了解下佢工作嘅情況，或者平日工作日放工後係點樣安排，再睇吓係咪可以聯絡或見面上變得頻密一啲；第二點方面，如果擔心關係建立喺性愛之上，都不妨向對方表達你嘅諗法，同埋向佢分享你理想、希望發展點樣嘅關係
回應返你嘅標題，雖然坊間有「好仔唔當差」呢句說話，不過並唔建議一竹篙打一船人 重點係對方點對待你、你嘅感受如何，同埋雙方係咪願意同能夠協調到大家都感覺舒服、安心、被尊重、被愛嘅相處方式～
你亦都可以諗吓你會希望有一段點樣嘅關係，始終人生階段唔同都會係一個頗大嘅挑戰～ 如果對你嚟講頻繁嘅聯絡同溝通係必要，咁可能生活節奏較有彈性嘅人會比較適合你；如果你覺得要先有感情基礎先有親密接觸，咁可能都需要一個價值觀同你相近啲，或者願意同你以相同步調建立關係嘅對象呢～
1個讚