服用了一個月的yaz今日食到第三粒白色藥丸發現有黎m嘅跡象，後日會開一盒新嘅yaz，想知道食返粉紅色藥丸會唔會令經期縮短？ 
Hello~ 紅色藥丸係含有藥效，有高劑量荷爾蒙嘅藥丸，而白色藥丸係不含藥效嘅藥丸。通常食完紅色藥丸後，體內荷爾蒙水平慢慢回落，之後就會出現撤退性出血
佢唔算真正嘅「月經」，所以經期長短唔影響下一個服藥嘅周期，你照樣後日開始食新一盒就得㗎啦～ 理論上再次服用粉紅色藥丸就會令出血量慢慢減少，長遠嚟講亦會令血量變得比服藥前少啲啲～
好多謝你解答啊！不過呢我黎嘅量好少，用護墊已經足夠應付嘅程度，唔知係咪因為2月20號起就有持續少量嘅出血同流啡，想知道係咪自從嗰時就算係子宮內膜剝落（好似平時月經咁）？我見食左白色藥丸都冇黎多d嘅跡象，擔心出血之後都唔停
Hello你好呀～有持續少量出血同流啡嘅情況出現好大機會係因為身體仲未適應荷爾蒙嘅水平，如果你係啱啱第一個月開始服用事前避孕藥，身體未咁快習慣有人造荷爾蒙攝取，有荷爾蒙水平變化就會有機會會有點狀出血嘅情況，呢種情況會喺1-3個月內就會消失，唔需要太擔心。
而撤退性出血會喺你服用白色藥丸嘅時候出現，身體嘅荷爾蒙水平回落就會出現。因為白色藥丸係冇荷爾蒙嘅，所以都唔會影響血量。當你開一排新嘅事前避孕藥，食返粉紅色藥丸，身體就會攝取人造荷爾蒙，撤退性出血嘅情況都會消失。
喔喔！原來食粉紅藥丸後會減少血量，我以為好似之前黎period咁要等子宮內膜剝落完成先會停血。Thank you！