唔知點解一遲嚟M就好驚自己有咗
明明每次性行為都有好好戴套但就係一遲就超怕自己有咗
可能係因為上個月為咗睇比賽而熬夜熬多咗搞到遲咗但之前熬夜都冇遲得咁犀利
有冇咩方法調理到呢種心理壓力……
Hello
如果本身有正確使用安全套嘅話， 避孕嘅成功率可以高達98%，數據上都係一個好高嘅數字！
另一方面，遲黎月經的確會令人好緊張，尤其是月經前嘅荷爾蒙轉變，令經前症候群（PMS）出現，令情緒會變得波動、疲勞、焦躁，都有機會加重心理壓力，而影響經期都有好多原因，除咗你提到作息因素之外，飲食、荷爾蒙分泌情緒（包括擔心懷孕而引起嘅緊張），都有機會令到月經遲嚟，假如想令月經變得更規律，可以考慮服食口服避孕藥，可以令月經變得更準時，同時避孕藥嘅避孕成功率亦高達99.7%。
如果月經繼續延遲，又想確認係咪懷孕，你可以去註冊藥房購買驗孕棒，並依照說明書進行驗孕測試
受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。如果結果呈陰性（無懷孕），而月經依然延遲，可以考慮諮詢吓醫生意見。
希望解答到你疑難～