對上一次來m 23/2-1/3
所以排卵期會係今日 8/3
我分別係 27/2，4/3，5/3 同男朋友做性行為，有戴套，但係 4/3 係我用口含咗佢一陣，佢好少大慨一滴嘅透明液體同口水溝埋吞咗，再同佢打茄輪，之後佢用口幫我，大約30秒先停，佢話淨係
到出面，冇入到陰道，之後我立即用消毒濕紙巾抹乾淨下面，抹理陰道口入少少，咁樣會唔會有懷孕風險？
7/3 ，8/3 都有流少少血
會係著床出血定係排卵期出血
求解⋯⋯
Hello～排卵期出血通常發生喺兩次月經之間，即係排卵前後，持續時間通常好短（幾小時到幾日），出血量亦好少，通常係淺粉色或者啡色，伴隨住分泌物；而著床出血血量少，呈淺咖啡色，通常只有1至2日；當然有另一個可能性係用消毒濕紙巾抹下體嘅時候，酒精令陰道皮膚敏感乾燥造成嘅皮膚損傷，要視乎血量同顏色分辨返。
不過留意到你同另一半進行插入式性行為嘅時候都有用安全措施，而「非插入式性行為」導致懷孕嘅風險其實好低，如果唔確認出血嘅狀況係排卵期出血/擦損造成嘅出血/著床出血，同時想確認係咪懷孕，你可以去註冊藥房購買驗孕棒，並依照說明書進行驗孕測試
受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
假如出血情況有持續或者唔尋常嘅情況，建議諮詢吓醫生嘅意見，了解下實際情況。
希望解答到你嘅疑難