上次黎係1月26，1月29黎完
然後2月3日同男朋友性行為完發現個套穿左，隔日買左事後丸黎食，但食完事後丸後差不多2個鐘可能午餐唔乾淨去左嘔吐，但唔知有無嘔到粒丸出黎，所以無再補多粒，本來2月底月經會黎，但見都未黎3月4買左驗孕棒驗左一條線，而家3月8都未黎，懷孕可能性大唔大
Hello~ 喺性行為後11日做驗孕檢測，就已經會得到準確結果
你3月4做test，姐係話已經過咗一個月，如果你有跟足指示進行測試而結果係陰性的話，咁即係你無懷孕 
可以放心～
另外都想提提因為食完藥之後，出現嘔吐嘅情況，身體有機會未吸收得切，所以如果下次再有類似情況，都建議諮詢醫生意見，睇睇需唔需要補食藥
計埋今日已經14日未黎，前日驗多次又係一條線，但始終都係唔放心，但呢排胸部脹痛唔知係咪準備黎姨媽，但我上網睇懷孕都會胸部脹痛
如果你前日驗完都係陰性，都幾肯定唔會係懷孕，因為已經過咗性行為後11日，結果係非常可信。至於胸痛好大可能係經前不適，建議你觀察多幾日，如果仲未有月經到，就應該要去睇醫生，可以係因為其他因素，如:婦科疾病等，引至月經遲遲未來。