Halo今日同男朋友做愛做到一半嘅時候，發現安全套喺佢嘅陰莖滑落咗一半。之後都即刻換咗一個全新嘅套。另外都用安全期計算器發現今日係排卵期嘅第一日，想問吓咁樣懷孕嘅機會大唔大？
我需唔需要盡快去食緊急避孕藥？thank you
Hello, 明白你嘅擔心，發現甩套即時更換用新套做得好啱呀～ 不過安全套滑落期間嘅接觸可能有潛在風險，加上APP預測會排卵，建議及早食事後藥嚟避孕。
事後避孕藥係處方藥物，有72 / 120 小時內服用呢兩種。如果需要事後藥，可以先聯絡家計會先，佢地會提供事後藥，你可以打電話去問下佢地提供邊種時限既事後藥。另外，醫院或部分私家診所都有，詳情你都可以打電話問下，再緊急啲去急症室求診都得。
食完事後藥之後嘅一個星期內通常會出現岀血，呢個情況係因為子宮內膜剝落所導致嘅，即使有排卵，都可以令受精卵跟住內膜一齊排出，避免懷孕，依一次嘅岀血算係月經（因為無受精卵著床），所以下一次月經週期可能會受影響。
想問吓係咪到最後就算冇射都建議食事後避孕藥？因為我擔心會好傷身體thank you!!!
Hello, 安全套滑落或破損都可能令少量精液（前列腺液可能含有精子）進入陰道，增加懷孕風險。係安全措施（安全套）失效後排除懷孕嘅可能性最理想係及早食事後藥。
事後丸係高劑量嘅荷爾蒙藥物。的確，食事後丸係會對身體帶來一定嘅副作用，例如某啲人可能會出現嘔心或者不適等副作用，但通常會喺1-2日之內消散。而且都有機會會影響1-2次嘅經期，但通常1-2次經期之後就會回復正常。呢個就可能要睇吓你自己衡量你係咪選擇服用。
不論是否服用事後藥，都可以係性行為嘅7日之後驗一次，咁就會有初步結果；喺性行為嘅11日或之後再次驗孕，就可以得到更準確嘅結果。因為hCG嘅分泌會隨著懷孕嘅日子增加。所以你於愈後嘅日子驗孕，就會因為體內嘅hCG會愈多，而愈容易得到準確嘅驗孕結果，咁就好清楚有無懷孕。