Hello 我食緊第六盒 Yaz優悅 已經食到一半
我腸胃不嬲比較敏感 有時唔知點解 接近半夜/半夜時份 飲多左水第二日就會腸道蠕動得好快
一起身就會有少少肚痛 即刻想去廁所
我平時半夜12點食藥 但今日(15/3)一起身 就有輕微腹瀉 見到有屙些少散便 份量唔多 先係正常大便 繼而少量散便 屙嘅份量的確唔多 大便正常量
因為我屙嘅時間 距離食藥時間都過左12個鐘左右 我係中午12點屙嘅 想問會唔會有影響？因為尋晚(14/3) 有內射性行為 都比較驚會影響
但我好肯定我唔係屙水便 亦唔係嚴重腹瀉 只係有輕微肚痛 輕微腹瀉
都想補充多少少：
我由上個月到今個月腸胃都一般 多數都係正常大便+軟便 有時一日屙兩次 但上個月依舊都係正常準時咁嚟M
因為每次屙軟便 都必定相隔12小時後
加上我都食到第六盒 請問避孕效果係咪都算穩定？就住上述問題 想問會唔會有大影響？
正常情況下服食避孕藥四個鐘頭左右身體就會吸收，依照你嘅情況因為相距12個鐘，所以唔會影響藥效，同埋食咗半年避孕藥的話，身體已經產生咗藥性，避孕效果相對穩定，不過都留意到你嘅腸胃情況唔太穩定，假如服食後四小時出現腹瀉嘅症狀都有需要補食，以免影響藥效。