事後發現發生性行為當日好像正處於排卵期期間，如果過程中有帶安全套以及帶套外射，事後亦有灌水測試冇漏，過程中沒有脫落，懷孕機率大嗎
發現每一次性行為後都會有不安嘅感覺，但每次都有做好安全措施，想問有冇方法改善？
Hello
如果本身有正確使用安全套嘅話（有檢查日期、無穿、戴嘅時候檢查好正反面等等…），避孕嘅成功率可以高達98%，數據上都係一個好高嘅數字！ 另外，安全套入面有儲精囊，使用安全套嘅時候可以使用直至整個性交過程完結，唔需要喺性交過程中途將安全套除低再射精。
面對性行為後嘅不安，建議可以先將感受同另一半分享，等佢都了解到你既焦慮，能夠安撫到你情緒之餘，亦令佢可以係性行為時更加注意安全。另外，你都可以考慮採取雙重安全措施，例如使用安全套同時服食事前避孕藥，可以令自己更安心，同時減輕焦慮。
希望可以幫到你啦
你好 之前的體溫一直維持於35.7-36.5左右，可最近這幾天經常覺得很熱，體溫甚至達37，請問這是正常的嗎？
呢幾日天氣的確比較熱，可能係會影響咗體溫嘅，不過都要留意自己身體狀況，睇吓有冇其他唔舒服嘅感覺，一般嚟講如果身體發燒係38度以上，如果伴隨埋有其他唔舒服嘅話就可能要留意吓身體，或者睇吓有冇需要去睇醫生啦。