你好
上星期應該月經剛完一星期左右
應該係排卵期前後？
同男朋友有互相摸同幫佢打飛機
期間有喺我度摸擦左一陣 不過我都有濕左的但佢冇射
今個星期開始有微量出血
開頭啡紅色 之後就鮮色
頭兩日好似平時月經尾星
琴日似平時中期血量
但到今日就係白帶加血
血嘅顔色同平時都差吾多的
而呢幾日一直都感覺到子宮位收縮痛
平時會胸脹加腰痛 但今次有腰痛但個胸又無脹的
請問呢次嘅半個月一次M
同性行為會有關係嗎？定係 係我身體唔健康所致？
謝謝你解答
Hello 呢個情況有唔同嘅可能。
其中一個可能係排卵期出血，因為排卵期都可能會出現微量出血，另外都可能係會出現你所講嘅身體唔舒服嘅症狀。
但係，都會建議你要留意住個出血情況，因為排卵期一般嚟講都係持續一至三日。而呢度就咁描述未必好清楚你實際出血係點，但見你提到出血好似有增加，而且顏色好似有改變？如果你發覺呢個出血問題持續，或者嚴重咗，或者身體嘅唔舒服一直冇改善，甚至加劇，最好都去睇吓醫生，因為呢個都唔係理想嘅狀況。
另外都有一種可能係你同你男朋友發生性行為嘅時候唔小心整捐令陰道出血。不過呢度都唔清楚你同你男朋友發生性行為嘅時候係幾時，亦都唔清楚你哋發生性行為嘅形式係點樣，所以都好難講到。
不過最重要就係如果真係覺得唔舒服，就要及早求醫啦。
希望有幫到你
你好JOHN
謝謝你嘅回覆
我嘅出血情況 頭三日都係啡色 鮮紅為主 反而透明分泌液 後期先多 而且會有血 所以睇到但比較淺色
男朋友個陣有試入 但我痛得滯
試左五分鐘左右就放棄左
所以應該吾算係完整嘅性行為
今日係第五日 暫時剩番分泌物 冇血了
希望只係非經期出血啦
不過都想問問非經期出血同大家講嘅流啡 有咩分別
因為我開頭真係啡色的
謝謝
你好～～
非經期出血多數維持1-2日，顏色呈鮮紅/暗紅色，有機會伴隨不適感，例如腹痛，原因都有好多，可能係因為排卵期出血，亦有機會係著床出血，詳細原因會需要醫生進一步診治；流啡的話，陰道會排出褐色或咖啡色的分泌物，分泌量亦會較少，通常較少伴隨不適。
想請問 如果好似我今次呢個情況咁
黎左四日m 大概平時1/2-1/3 量
咁樣我會唔會 其實係半個月後（正常黎m嘅時間）黎番今個月月經？定個四日已當月經週期了？
同埋 我如果今次流嘅日數同量
應該唔係著床出血嗎？
謝謝你
Hello你好呀～聽你嘅描述，相信今次都係一個月經，雖然月經量冇平時咁多，但係對比點狀出血或着床出血較多，所以唔需要太擔心，相信只係因為其他原因令到你嘅月經提前咗。