排卵期性行為

SEX:: 有關性的
1

你好，我同我女朋友23/3有性行為，事後發現安全套好似中途甩左，大約5-6小時後食左安立婷事後丸，app顯示佢為22/3係排卵期，但到今日30/3佢冇任何事後丸副作用包括撤退性出血，請問懷孕機率大唔大？我見最佳驗孕期係性行為11日後，諗住性行為兩星期後先驗（4/4），呢段時間我唔敢講太多令佢一齊擔心埋

2

Hello~聽到你哋有喺不安全性行為後120小時內，服用緊急避孕藥，所以有效避孕率高達97-99%:ok_man:所以唔需要太緊張～

事後丸嘅副作用因人而異，所以都未必一定會出現:raised_hands:t2:另外因為佢嘅高劑量嘅荷爾蒙藥，所以我哋唔建議一個月經周期內服用多過一次事後丸:raised_hands:t2:

驗孕嘅原理係檢驗尿液中嘅人絨毛膜促性腺激素(hCG)水平。懷孕之後，女性體內嘅hCG水平會慢慢提升，通常不安全後性行為第7日檢測，可以得到初步結果；而係第11日檢查，可以得到準確結果:raised_hands:t2:所以預返時間檢查就可以了～～

關於安全套鬆脫，有機會係因為佩戴方法不正確，或者尺寸不適合:ok_man:佩戴時，記得撳住前面嘅儲精囊先好套上陰莖，如果唔係入咗空氣嘅話，性交過程中嘅摩擦有機會整穿安全套:raised_hands:t2:而選擇安全套尺寸方面，可以參考我哋之前出過嘅post：糖不甩 Sticky Rice Love on Instagram: "上一個post分享咗10個容易令安全套失效嘅原因，而用咗唔啱尺寸嘅安全套係其中一個好常見嘅原因🥺，所以今次就同大家分享買安全套之前要點樣量度同揀合適自己嘅尺寸～ 同揀衫一樣，揀安全套都要由量度將要使用安全套嘅物件（例如陰莖或者性玩具）嘅闊度同長度開始📏。要留意返大部份安全套嘅量度單位係毫米（mm），所以使用軟尺量度嘅時候要記住轉換返個單位。  💫 【闊度／寛度 Norminal Width】量度陰莖／物件最粗嘅位置（通常根部）嘅圓周，再除以2（可以想像將安全套㩒偏橫向嘅長度） 👉例子：軟尺上量度嘅圓周係10cm，首先將數字乘以10，10 X 10 ＝100 (mm)。100 除以二，100／2 ＝ 50mm，就可以得出安全套嘅闊度。  💫 【直徑 Diameter】量度陰莖／物件最粗嘅位置（通常根部）嘅圓周，再除以3.14。 👉例子：軟尺上量度嘅圓周係10cm，首先將數字乘以10，10 X 10 ＝100 (mm)。100除以3.14，100/3.14 = 31.8，就可以得出安全套嘅直俓。  💫 【長度】由陰莖／物件嘅根部量度到頂點 👉例子：軟尺上量度嘅數字係12cm，就要將數字乘以10，12 X 10 ＝ 120 （mm）。 不過大部份安全套都有足夠嘅延展性，所以好少會有唔夠長嘅情況出現（大家可能都見過有人用安全套嚟吹波，證明係可以包覆到有一定嘅長度嘅）。同一時間，亦唔少安全套牌子係無喺包裝上特別列明長度嘅數字架。  另外安全套所屬嘅品牌國家唔一樣，都會有唔一樣嘅尺寸參考～歐美同香港品牌通常都會標示【寛度】，而日本品牌就通常會標示【直徑】。有時亦會見到個數字後面寫住「± 2mm」「± 5mm」等等，例如：「寛度58±2mm」，就代表呢個安全套可以被量度為56～60mm嘅物件使用。  💫 購買小貼士 1️⃣ 尺寸要預先量度先至會知😏，所以都建議大家係屋企預先度過尺寸至去唔同生活用品鋪頭又或者sex toy shop購買～  2️⃣ 另外都明白大家情到濃時，可能會好突然或者即興要買安全套，又或者啱啱好用完手頭上嘅安全套，想嘗試下唔同新嘅牌子同款式。係呢啲情況下買嘅時候，都建議唔好買太大數量嘅包裝，因為都唔知道自己又或者對方適唔適應😟。而且即使標明係同一個尺寸，唔同牌子或者唔同材質所造嘅安全套係佩戴之後都可能有唔一樣嘅體感🚨。所以都建議買返1～3片裝試一試先，啱用再大手購入～  3️⃣使用安全套嘅時候，佩戴後嘅感覺應該係唔鬆唔緊，啱啱好貼住至係合適🧣～ 如果因為尺寸太大或者太細，就有可能令安全套係過程中破損💥。詳情可以睇返我地上一篇文：10個令安全套失效嘅原因！  4️⃣ 依家有越來越多嘅安全套牌子，有啲未必會係包裝上標明尺寸，例如闊度、直徑、長度... 但好多成人用品商店都會係佢地網站列出呢啲資料，係購買之前都可以自己搜集下資料了解下先，或者直接去門市向向店員查詢🙋🏻。  希望呢個post 可以幫到大家了解量度尺寸都有唔同要留意嘅地方，減低係用安全套嘅時候出現突發嘅意外啦🦺～  TEXT: CLAIRE ——————————————— 糖不甩｜性教育｜網上性健康平台💛 對性/性別/關係...有疑問？想搵人傾下？ 糖不甩討論區隨時ready答你問題！識揀，一定揀糖不甩！ Discuss.stickyricelove.com   #stickyricelove #糖不甩 #sexeducationhk #性 #性教育 #gender #relationships #sex #hksex #hklove #hkboys #hkgirls #安全套 #condom #套套 #安全套爛咗 #安全套爆咗 #安全套尺寸 #大碼套套 ＃SlimFit套套 #SRL安全套"

3

但我見人講排卵期有性行為食左事後丸都好易中係咪真？因為佢經期都穩定跟app幾準，性行為個日係排卵期第二日，佢到而家過左一星期都係冇任何副作用 :smiling_face_with_tear:

4

Hello～事後丸係透過高劑量嘅荷爾蒙去抑壓排卵，同時間亦會改變子宮內膜嘅環境，減低受精卵著床嘅機會率，達致避孕嘅效果。事後丸只要喺不安全性行為後72小時內服用，成功率高達99%，同月經周期無關，而且唔係每一個人服用完事後丸都會有副作用，所以唔需要太擔心。