食咗yaz避孕藥都有一兩年
下個月會去旅行，計過會啱啱喺經期
如果想延經嘅話食完24粒仲要食多7粒紅色先可以食白色，請問對身體會唔會有影響？
或者如果我直接食唔足24粒 (例如食17粒)就直接食白色嘅話，係咪就可以提前嚟經？但係會唔會影響到避孕藥嘅作用？
謝謝
Hello, 明白你嘅擔憂！我會講解點樣安全調整Yaz避孕藥嘅服用方式來延遲或提早月經，同埋相關注意事項。
延遲月經方面：
食完當月24粒紅色藥丸後，跳過白色藥丸 ，直接開新一包紅色藥丸，連續食多7粒（共31粒紅色藥丸），之後先停藥等月經。避孕效果唔受影響嘅，不過可能出現輕微突破性出血（少量啡色分泌）。
提前月經方面：
會明顯削弱避孕效果！停紅色藥丸後7日內無保護。 可能導致荷爾蒙失調，出現不規則出血，之後要重新建立服藥規律（等月經來後再開新包裝），唔建議尼個方法。
即使繼續服食紅色藥丸，都帶定護墊，預防突破性出血（流啡），要保持準時服藥，避免漏食。
感謝回覆，我計過如果要啱啱去完旅行先來經的話，要食多10粒紅色，即係總共34粒，請問咁樣對身體會唔會有咩影響，除咗會可能有少少紅色。
連續食有藥性既避孕藥，即中間完全唔食白色，係唔影響的。因為有啲人，例如運動員，因為比賽等關係，都會有呢類方式令自己暫時停經，有些更會連續食3個月，而你唔係時間太長，對身體唔會有影響。當然如果有疑慮，都可以先請教返家庭醫生。