前一次嚟m係25/2
我同男朋友12/3做完，之後早咗幾日21/3就嚟咗，但係嚟得好少，頭兩日係粉紅色，23/3有鮮紅色嘅分泌物，25/3白帶中有少血絲(到31/3分泌物變返做白色透明至到今日2/4少啲分泌物都係透明)。因為顏色似、又早咗幾日嚟、時間都好似短啲，好驚係著床。於是29同30/3兩日各驗咗一支clearblue，驗完10分鐘內negative，但係過咗45分鐘到變咗兩條(positive)，好驚。今日2/4又驗咗一次，都negative，但係會唔會唔準？我使唔使等耐啲，等到嚟M嗰幾日先驗？如果21/3真係著床，隔幾多日驗最準？真係好驚。
呢兩日左右下腹有痛同腹脹，所以今日3/4驗咗支排卵測試，結果陽性。呢個結果解唔解釋到啲咩？咁想問12/3嘅性行為有冇到致懷孕？
你好，首先你喺4月3日用排卵棒，檢驗結果係陽性，只係證明你而家呢段時間係排卵期，並唔係證明你已經懷孕，所以暫時唔使咁擔心住，不如你先用驗孕棒自行驗孕先。
你可以喺發生性行為嘅第七日開始第一次嘅自行驗孕。自行驗孕可以喺性行為後第7日或第11日進行，因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
所以如果你宜家驗孕既結果係陰性，就已經證實嗰次嘅高風險性行為係無引致懷孕，你就唔使咁擔心喇。