對於避孕套灌水測試有個疑問，如果個套喺灌水之後，個底冇滴水，但摸落keep住feel到濕濕地，其實佢係穿咗，定還是係個套中間啲水滴咗落嚟？因為對於個套有冇穿咗嘅概念唔太清楚，求解答
Hello，你好
要測試安全套有冇漏水，你用灌水嘅方式去測試係非常之正確，只要觀察安全套冇滲漏，又或者滴水嘅情況，其實就代表安全套冇穿。
至於你感覺到安全套表面好似有水，可能係灌水嘅時候有水 去到安全套表面，所以你會有濕冧嘅感覺，同埋安全套本身表面都有一啲潤滑物質，亦會令人錯覺有濕冧。
只要喺灌水之後，見到安全套頂部，即係儲精囊個位置冇滴水，其實都可以放心。
多謝解答，同埋想問如果係性行為之前嘅前戲入面，男方嘅下面喺未戴套時同我嘅陰部或者附近區域（因為唔太記得 所以唔肯定係咪陰部）有接觸，但冇入去嘅話，咁樣會唔會有懷孕風險
你好～ 咁樣嘅懷孕風險係偏低嘅～
雖然陰莖喺勃起後、射精前會分泌可能含有精子嘅尿道球腺液，但由於冇直接進入陰道，理論上淨係沾上咗喺陰部（非陰道口範圍），咁就較難自行進入陰道，繼而造成懷孕風險～ 但如果前戲期間有沾上到呢啲分泌，再以手指進入過陰道，風險就會上升，因為有機會人為地令尿道球腺液進入陰道～
安全起見，其實喺陰莖勃起後就應該佩戴安全套，以物理方式完全避免體液進入陰道，咁就能夠大幅減低懷孕風險喇：）