射完之後跟住插多左幾下 個套甩左係入面（膠圈仲係出面）會唔會有事
Hello 如果精子接觸到陰道嘅話，就有機會會導致懷孕。你呢個情況，好視乎當時精液有冇喺個套度流咗出嚟，並接觸到陰道。如果單純係嗰套甩咗喺入邊，而個膠圈喺出邊，同時精液亦都冇從肚入邊流出嚟嘅話，安全套亦都冇穿嘅話，咁懷孕風險都比較低。但係如果精液有從個套流出嚟嘅話，就可能會有風險㗎啦。
如果擔心嘅話，都會建議喺性行為發生之後72或者120小時之內睇醫生，然後食事後丸。或者可以喺性行為之後11日用驗孕棒驗孕，只要有按照說明書驗孕，到時得出嚟嘅結果都會係可靠嘅。或者如果之後嚟咗M嘅話，咁都代表喺月經嚟之前發生嘅性行為並冇導致懷孕。
最後都提醒返，陰莖喺射精之後就唔再係性興奮狀態，陰莖軟咗之後就有可能會令安全套對比陰莖嘅size唔同咗，所以最好喺陰莖變軟之前就處理返好個安全套啦。
希望幫到你