剛開始食Yaz （好耐之前食過Yazmin) 今次來試下另一隻藥
第一日來M開始食Yaz 去到第6日完左M 第8日有好微微點狀出血 出左2-3日就停左 然後 食到18日 就來啡 過2日就出血 我當係來M咁
但過左一星期 而家食完一排 第28粒 食到白色丸仔都仲不斷流啡 （雖然斷斷續續，時有時冇）係唔係正常嘅？
你好～ 如果你以前食Yasmin 冇流啡嘅情況，但而家食Yaz 反而有，有兩個可能性：
1）Yaz 唔係最適合你嘅款式&劑量
因為Yaz 嘅劑量比Yasmin 低，而Yasmin 本身比較適合經期較不穩定人士，所以如果你係較適合食Yasmin 嘅體質，食yaz 有機會荷爾蒙量不足以維持「唔出血/流啡」嘅荷爾蒙水平，令到持續出現流啡情況
2）食藥初期嘅副作用
流啡係常見嘅食藥初期副作用，有機會因為好耐冇食過事前藥，身體要重新適應，所以仍然會出現服藥初期嘅副作用
但係安全起見都建議查詢吓醫生嘅意見，揀返適合自己嘅牌子同劑量，咁就可以減少流啡嘅情況出現喇：）