兩年前比前度傳染HSV2，一直都好擔心會唔會有hiv，同前度分手七個月左右，跟住2024年一月頭比朋友慫恿咗去日本旅行嘅時候俾人冇套口交，但係就冇插入性交，跟住好擔心會唔會有HIV, 之後四月頭左右，即係過咗80幾日左右之後走咗去醫生度做檢查，結果係Negative，嗰陣時個心輕微放鬆咗，但係過咗幾個月之後，上網睇空窗期會有90日，之後個人又好擔心好緊張，會唔會爭幾日個結果又唔同，跟住七月就去多次醫生度做檢查，嗰陣時就冇親身去攞報告，但係就聽電話講報告，結果都係Negative，本身都鬆一口氣，之後又去到2025年四月，即係而家，忽然之間又開始驚自己會唔會有HIV，但係自從2024年1月嗰次日本旅行之後都冇再同人發生任何性行為，開始焦慮會唔會自己聽錯報告，跟住頭先又買咗快測自己測試，就咁睇都係陰性，但係又好驚自己眼花睇錯，會唔會睇錯咗係陰性，另一條線會唔會係完全唔明顯。一直都好焦慮可以點樣解決
Hello~見你好似都意識到重點唔係個HIV測試結果，而係而家有啲過份焦慮
我先就住你嘅疑慮回覆下先~
Q: 上網睇空窗期會有90日，之後個人又好擔心好緊張，會唔會爭幾日個結果又唔同
A: 首先要睇你去醫生係做咩類型嘅檢測，主要有檢測(1)病毒基因RNA、(2)抗原Antigen、(3)抗體Anitbody。
如果係(1)病毒基因RNA，空窗期係2-3日，而檢測準確度係100%；
如果係(2)抗原Antigen，通常係感染後14-26日可以檢測到，之後體內嘅抗原水平就會慢慢回落到不可檢測嘅水平；
如果係(3)抗體Antibody，當身體發現有病毒，就會自動產生抗體，而每人產生抗體嘅速度都唔同，有機會八十嘅幾日都有足夠抗體，有啲可能要九十日先夠，所以世衞先定係HIV抗體檢測嘅空窗期為最長九十日
Q: 好驚自己眼花睇錯，會唔會睇錯咗係陰性，另一條線會唔會係完全唔明顯
A: 距離不安全性行為已經一年有多，假如真係感染咗HIV，體內已經有足夠嘅抗體水平可被檢測，所以如果真係陽性嘅話，快測一定會出現明顯嘅兩條線
如果你都係好唔放心嘅話，可以去做多次抽血檢測，檢測體內HIV病毒水平，咁就最準確無誤今次再檢測都係陰性嘅話，就要相信自己係safe啦~~其實無套口交比肛交嘅風險低，而被口交者又比提供口交者嘅感染風險低，所以唔需要太擔心~
如果之後都想再買個保障，除咗用安全套、口交套之外，都可以視乎情況服用PrEP (暴露前預防性投藥)，佢預防感染HIV病毒嘅效率高達99%。
醫生檢查係用抗體及抗原
如果今次醫生檢查都係陰性，系咪就可以肯定冇事因為距離上次性行為已經一年多三個月
Hello你好啊～其實距離上次不安全性行為已經有一年多嘅時間，已經過咗空窗期，相信檢測結果都係準確嘅，唔需要太擔心。