係按摩店被一位女技師錫左幾淡 因為不熟悉對方 現場燈光不足 唔知對方有冇口腔傷口之類的 上網睇如果口腔有傷口 會有機會傳染愛滋病毒…. 我本身口腔並沒有流血狀況 可能會有些熱氣牙腫 請問會出事嗎？
Hello~明白係會有擔心嘅，不過愛滋病主要係透過性接觸、血液傳播或母嬰傳播，傳播過程都要透過深層體液(如血液、精液、腸液等)同黏膜組織(如鼻腔、口腔、新鮮傷口等)嘅直接接觸先傳播到。而經口水或口腔中微乎其微嘅傷口傳播嘅風險係非常之低
所以唔需要太擔心~
如果真係想確認嘅話，都可以喺過咗空窗期90日之後，進行愛滋病病毒抗體快速測試，咁就可以得到準確結果~
謝謝你既回覆 另外想問下 網上面說要有開放性傷口
牙肉腫痛算唔算係一種？
Hello 你好啊～如果只係腫脹而沒有任何破皮、流血等情況，就唔算係開放性傷口。
你好呀 我想另外問下 口腔潰瘍/口腔內黏膜受損係會傳染到性病毒 而對方有冇以上病微我當然不太清楚
而自己又可以點樣去了解自己有冇以上口腔狀況呢？
當然我記得係冇生痱滋 冇特別痛既地方係口腔入邊既
佢既突如奇來既一啖 佢有申舌頭 當下比唔到反應 我諗大概4/5秒到我就推開左 我怕佢口腔有不明液體 同埋始終對我做得… 對其他客人都會 令我好擔憂
謝謝你們回覆
Hello, 明白你嘅擔憂，就如我地同事所講傳染條件必須雙方同時滿足，即對方及你的口腔黏膜都有開放性傷口，你確認自己口腔無潰瘍/痱滋，而短暫伸舌（4-5秒），基本上感染風險好低，唔使太擔心。
如果要自行檢查口腔，你可以咁做：
- 用手電筒照口腔，睇有無黏膜白斑/紅斑或不明凸起或破損。
- 清潔雙手，用乾淨手指輕摸口腔內壁，感受有無粗糙感或壓痛感。
- 用鹽水漱口，如果有刺痛感就可能存微小傷口。
宜家可以觀察留意身體狀況，如有不適就及早就醫，如沒有任何問題，都想求安心，可以根據我地同事嘅建議過咗空窗期後做檢查。
再想問多一個問題 如果然指有倒刺 接觸到女性外陰 這樣會感染到愛滋病毒嗎。 只係外陰掃 我沒有印象女方有冇流出液體（好像沒有）。很害怕因倒刺有傷口而感染到
謝謝
沒有進行過任何性行為（雙方性器接觸）只怕有傷口接觸到病毒感染 那怕係手指小傷口 因為網上都有資料寫會有機會 有些說不要再想 根本沒可能 應該怎樣面對…
其實按照你所講嘅情況只係手指有到刺，而透過呢一個傷口有病毒進入嘅機會係非常之低。
其次，你只係喺外陰部分接觸，並冇將手指插入陰道，相對嚟講，係好少機會接觸到陰道嘅體液，所以你可以唔使太過擔心。
不過都要記住任何傷口，其實都會係一個俾病毒進入身體嘅嘅缺口，所以日後如果有同類嘅性接觸發生，可以考慮使用手指套，才接觸他人嘅陰部，咁就會更加安全同安心。
1個讚
琴日用左indicid hiv/梅毒快測測試 我見佢寫最快空窗期最快3個星期 琴日係事隔左58日 測試結果係咪條C線 呈陰性
想問下現金科技縮短左空𥦬期 現時我咁樣去測試其實係咪都唔準確？ 身體冇任何異樣
Hello 其實每款唔同測試都會影響到「空窗期」，因為唔同技術可以令到快啲或者慢啲測到，你跟返說明書所指，驗到係陰性，咁都可以放心㗎啦
因為傳統要90日 我用果隻產品寫最快3個星期 想知如果現刻測到陰性 黎緊都要等多30日 再測先至可以確定到我真陰性 因為唔知會唔會呢30年裏面先至開始會有果d甚麼東東抗體出現 如果真係冇 先至係冇事？
對個空窗期有少少confuse
Thank you你地既解答
Hello
先解釋多少少關於空窗期
空窗期啫係由病毒進入人體開始，到血液或體液中嘅病毒量達到能被現有檢測技術驗出嘅水平之前。空窗期內即使受感染，檢測結果可能呈「假陰性」，但病毒已具傳染性，所以的確要等埋空窗期後先確認係咪真陰性，如果空窗期後再測試都係呈陰性，就證明身體入面冇病毒=冇事
除非有發生不安全性行為或者有高風險體液嘅接觸（如 精液、血液，Pre-cum（尿道球腺液etc）
至於未來30年會發生咩事，呢個層面我都無辦法答你
不過睇返之前30年嘅醫療發展到今日，可以推論將來即使將來病毒會產生抗體或者變異，醫療都會一直進步，檢測方法會越嚟越完善。
希望解答到你
上面係想講30日sorry 另外我驗左係陰性 係有效時間內 跟住擺左兩日出左第二條好淺既線…點算…
Hello~聽都你有幾個疑問，不如我逐一解答呀
Q: 點解傳統話HIV嘅空窗期係90日，但你用呢款(indicid hiv/梅毒快測測試)可以做到3星期就知道結果？
A: 空窗期嘅定義上面同事都講得準確：「由病毒進入人體開始，到血液或體液中嘅病毒量達到能被現有檢測技術驗出嘅水平之前」，所以今次嘅重點係你快速檢測嘅對象係「抗原」定「抗體」。
「抗體」(Antibody)：係指身體受細菌/病毒感染後，免疫系統受誘發而產生嘅物質。HIV嘅抗體大約需要90日先有足夠嘅水平被檢測到，所以所謂「傳統HIV空窗期」係指稱HIV嘅抗體檢測。
「抗原」(Antigen)：係指任何可以誘發免疫系統產生抗體(Antibody)嘅物質，HIV嘅抗原空窗期係大約14日，過咗14日就可以開始檢測到。從受感染後第14日至第26日可以檢測到抗原，之後佢喺體內嘅水平就會慢慢回落至不可檢測嘅水平。
首先我想你回想一下，你係用「INDICAID™妥析™ HIV / 梅毒快速抗體檢測試劑盒」，抑或係「INDICAID™妥析™HIV抗原/抗體快速檢測試劑盒」 因為前者只係測「抗體」，最快都要90日，而後者係「抗原」同「抗體」都有得測，最快可以14日。你提供嘅資訊都只係部分符合兩款產品嘅特質 所以首先要知道你係用邊款
Q: 現今科技縮短左空𥦬期 現時我咁樣去測試其實係咪都唔準確？
A: 佢唔exactly 叫做縮短咗空窗期，而係唔同嘅檢測方法有唔同嘅空窗期。而測試準唔準確，最主要睇三樣嘢：
(1) 測試包有無效：係咪存放妥當、無過期。
(2) 測試步驟正唔正確：步驟要做得啱、做test之後C嗰格有線。
(3) 測試包嘅靈敏度同特異度高唔高：靈敏度(Sensitifity)係檢測真陽性嘅成功率、特異度(Specificity)係檢測真陰性嘅成功率。兩者數值越高，檢測結果越準確。你選用嘅牌子準確度都好高，以下資料來自產品嘅官方網站。
「INDICAID™妥析™ HIV / 梅毒快速抗體檢測試劑盒」：HIV-1/2抗體：靈敏度 100%、特異度100%
「INDICAID™妥析™HIV抗原/抗體快速檢測試劑盒」：HIV P24抗原：靈敏度 100%、特異度98.8%；HIV-1/2抗體：靈敏度 100%、特異度100%
Q: 點樣睇結果？(測試結果係咪條C線 呈陰性)
A: 都係視乎你係用邊款快測
「INDICAID™妥析™ HIV / 梅毒快速抗體檢測試劑盒」：Test kit上會有C、H、S三個英文字母，分別代表Control、HIV(愛滋病病毒)、Syphilis(梅毒)。如果C有線，代表測試有效/成功，H/S無線+做啱步驟+已經過咗空窗期，代表測試結果為陰性。
「INDICAID™妥析™HIV抗原/抗體快速檢測試劑盒」：Test kit上會有C、Ag、Ab三個英文字母，分別代表Control、Antigen(抗原)、Antibody(抗體)。如果C有線，代表測試有效/成功，Hg/Ab無線+做啱步驟+已經過咗空窗期，代表測試結果為陰性。
Q: 我驗左係陰性 係有效時間內 跟住擺左兩日出左第二條好淺既線…點算…
A: 根據產品説明書，你將血液樣本同緩衝液滴入test kit之後，等20分鐘之後就有結果。但係「不可多於40分鐘」！換言之，超過40分鐘之後嘅結果已經不能作準。你只需要睇當時剛好20-40分鐘内嘅結果。
我本身係用左 「INDICAID™妥析™ HIV / 梅毒快速抗體檢測試劑盒」第58日測 陰性 再係第61日用左Doctoreyes 愛滋病檢驗器(血液) . 如果以你所講 我呢個時間去做快測 所得出黎既結果都係冇用 即使係陰性都係唔準確？
就算我用INDICAID™妥析™HIV抗原/抗體快速檢測試劑盒 因為我其實過左你所講既14-26 日 （已經第61日），我就算買黎測都係冇乜作用？
咁我現刻就只有等待到滿90日再測嗎？
Hello你好呀~ 一般坊間可以買到嘅快速檢測試劑盒都係倚賴抗原/抗體去測試，而愛滋病最快可以21日測試到，但係空窗期一般係3個月。而家可以有一個基本嘅測試，但3個月嘅結果會比較準確，可以等到90日之後再測試多一次。
我唔知擺唔擺到相出黎 我係呢種倒刺滅左有血出 2分鐘到就乾 然後有咁既傷口係到
請問會唔會分泌液係陰道出口 沾到而感染？謝謝
傷口1-1.5mm到