距離上次嚟月經已經42日（2月26日）
3月7日發生過性行為
全程有正確用套，冇喺體內射，但做愛時可能有少少精流出喺套入面，最後喺體外用手打到射
但而家4月8日仲未嚟m 已經42日
平時33-36日就會嚟
4月4日 4月6日 用屈臣氏驗孕筆各驗過1次 共2次
都係一條線
琴日＆今日肚有少少痛 但而家又唔痛
會唔會係懷孕？
好驚
Hello, 明白你嘅擔心，你係性行為11日後進行咗兩次驗孕且結果都係一條線即係陰性，代表無懷孕風險，可以放鬆啲～
因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。
月經週期受到好多因素影響㗎，例如情緒有起伏、壓力過大、生活作息唔定時、飲食唔均衡、最近有生病食過藥（特別係抗生素）等，都有機會令月經來遲。所以一般月經週期提早／延遲左幾日的話，都無需太擔心。
提及嘅肚痛可能係經前宮縮，經期期間子宮會收縮，而收縮嘅過程中就會感受痛楚。所以喺經期前同經期中會持續感受腹痛。如果腹痛嘅情況嚴重，又或者持續咗一段時間，都可以搵醫生作進一步嘅檢查，了解身體嘅狀況。