4月10日我又好奇 去咗揼邪骨 之後個女仔唔用套幫我含
我好擔心佢有性病傳染我
我可以應該點做？ 我上網睇過可以買五合一去驗
但係我好想知要幾耐先至去驗？
可唔可以教我應該點做？ 我真係好驚啊
同埋我應該驗乜嘢會準確啲 同要驗邊幾種？
我想知道嗰啲五合一 準唔準？
以我呢個case 咁買五合一係咪最好的？
同埋要幾多日先去驗為之最準？
你好，首先根據你講嘅情況，你係被口交，透過對方口腔而傳染到性病嘅機會係非常之低。因為如果正常嘅口腔其實並唔會經常帶有各類唔同嘅性病病毒或病菌。除非對方同時替另外一個人進行口交，然後又直接幫你進行口交，才有機會將另一方各類性病嘅病毒傳染俾你。
不過，雖然情況系咁，但唔排除對方可能係口腔已感染有某類型嘅性病，其中比較容易喺口腔發生既性病係性病疣。 但性病如果喺口腔感染，其實都可以喺佢口腔度見到有一啲類似椰菜花形狀之類嘅粒粒，所以都會比較明顯嘅。再加上佢口腔接觸你陰莖嘅時候，你有機會感覺到佢口腔入面有異物，如果冇呢類嘅感覺，對方未就未必患有性病疣。至於其他性病種類，例如梅毒，愛滋病，淋病或衣原體等，比較難透過冇傷口嘅口腔令你受感染。所以你唔需要太過擔心。
不過，如果你仍有疑慮，都可以選擇去進行性病檢測。一般嚟講性病嘅潛伏期都係3個月內，所以你都可以係3個月後去相關嘅醫療機構或者相關嘅NGO做返性病檢測。如果真係決定做檢測，都建議你可以係高風險性接觸嘅一個月後，進行第一次檢測，咁樣就可以初步確認，確定自己有冇受某類型嘅性病感染。然後性行為3個月後再進行第二次嘅檢測，如果結果係陰性，咁就可以完全確認自己未受性病感染。
但係做性病檢測，知道自己有冇性病之前，呢段時間就盡量唔好同任何人，包括你嘅伴侶有任何嘅性接觸住，避免傳染到比其他人，亦都可能會影響到你性病檢測嘅結果準確性。
以下就係一啲常見性病嘅潛伏期：
生殖器疱疹（疱疹二型）：約2-5天
淋病：約1-14天
滴蟲：約4-20天
衣原體感染：約7-21天
梅毒：約9-90天
性病疣（椰菜花）：約 1-8個月，平均為3個月
以上嘅時間都係一個平均數值，有好多人過咗呢段時間都未出現病徵，其實都係好正常嘅，但病毒同病菌已經係身體度潛伏，所以進行醫學檢測嘅時候都可以偵測到嘅。
1個讚
另外，想補充返。如果你選擇購買一啲自行檢測嘅test kit，即係你所講嘅五合一之類嘅產品，你都可以喺一個月後先進行自我檢測。
至於呢一啲產品嘅準確度，其實都係非常之高，所以如果檢測結果系陰性都係非常之可信嘅。
1個讚
我諗緊去唔去診所驗
其實我feel唔到有異物 ，因為佢用舌頭不住幫我舔 係含左大約十下到
我又見唔到佢個嘴 同佢口入面 係唔係口腔已感染有某類型嘅性病 所以真係唔知 ，我有Whatapp問過診所
佢既回覆（請問閣下是否已過14天空窗期?
空窗期為不安心性行為後14日 (主要是由於要驗血驗梅毒及愛滋病病毒抗原抗體)
我又未過十四天 ，咁我係唔係要等過第十四日後先上去驗 ？
五合一要一個月先驗？
我諗緊好唔好去診所驗完 再過15曰再驗5合1
定只係診所驗 定只驗5合1
我都唔知點好
去小便個尿道好似灼熱咁
睪丸痛左一下 大約一秒
唔知係唔係心理因素
好似多左尿去咁 但我每次去小便沖涼都有睇下 條j無特別野
Hello 因為唔同性病都有唔同嘅空窗期，所以都要視乎你想驗邊種性病，不過點解會講一個月驗，主要係因為大部分主要性病都可以係一個月驗就驗到結果，所以先會講一個月驗。如果係想用五合一驗，就可以睇返說明書上邊所指驗。
至於病徵方面，你都可以留意有冇異常分泌物，如果有嘅話就要快啲睇醫生啦。
1個讚
暫時冇異常分泌物
我係諗住14日去診所驗 咩都驗 30自己驗
我都有打去關懷hiv問職員 講曬比佢知 佢話正常唔會中hiv 其他病機會好小 佢話去診所驗14日就得架啦 。如果冇事就冇事架啦唔洗再驗
咁我洗唔洗30日買5合1驗 ，但我自己都想用5合1 令自己安心d
Hello
其實關懷HIV職員嘅回應都係正確嘅，如果喺呢段時間入面，冇再發生不安全性行為或者高風險體液嘅接觸（如 精液、血液，Pre-cum（尿道球腺液etc），檢測呈陰性，當然如果想再更安心啲都可以購買五合一檢測，並依照說明書嘅指示使用，更加確認到自己身體狀況之餘亦更放心。
1個讚
但網上話hiv要90日驗先準確
咁我應該14日去驗 之後30日再驗 仲需唔需要 90天再驗 ，其實我這幾天 好焦慮 好擔心 
Hello~HIV嘅抗原測試空窗期最快14日，所以我估計診所問你夠唔夠14日係想幫你測抗原。如果診所只係提供HIV同梅毒嘅快速測試嘅話，你都可以喺30日再買五合一快測包去檢測。當然如果經濟上無太大concern 又想快啲買個安心，都可以去私家診所抽血檢測，最快喺受感染後3-5日會出到結果。
1個讚
想，問如果診所 化驗嘅嘢 有
基本體格 梅毒 疱疹 hiv抗原抗體 1-2 人體乳頭病毒測試 33種 這個係m5
定要m14
基本體格 梅毒 疱疹 hiv抗原抗體 1-2 人體乳頭病毒測試 33種 淋病 ，沙眼衣原體 人體支原體 生殖支原體 解脲支原體 微少脲支原體 滴蟲 念珠菌 乙型肝炎表面抗體 抗原
對於我這個那個適合我多啲？
4月1日又1好笑話。
好奇唔知咩叫邪骨
？！點解唔上網search下了解下呢個詞語呢吖…唔識運用google大神or AI
…所以唔識search（但又識search sticky rice forum 
）；無朋友問，所以咪唔識囉，咪要親身上陣搵下女女了解下呢個字囉
又要知識水平低又要驚，就唔好亂咁玩啦…小朋友
呢啲簡直係月經post, 毫無營養價值
Hello你好呀～你可以留意返唔同測試嘅價錢，同埋自己想驗嘅項目，其實只要有不安全性行為，都有機會感染各類型嘅細菌/病毒，如果真係比較擔心嘅話，可以選擇做一次全面嘅測試，去釋除你嘅疑慮。
1個讚
感謝 我依加等14日後驗